އިބްރާހީމް ރުޝްދީ
ފަޟީލަތުއްޝައިޚް އިބްރާހީމް ރުޝްދީއަކީ ދީނީ ޢިލްމު އުނގެނިވަޑައިގެން ހުންނެވި ބޭފުޅެކެވެ. ޝައިޚް ރުޝްދީއަކީ އައްޑުއަތޮޅަށް ނިޞްބަތްވެވަޑައިގަންނަވާ ބޭފުޅެކެވެ.
ފަޟީލަތުއްޝައިޚް އިބްރާހީމް ރުޝްދީ ވަނީ އިންޑިޔާގެ ގުޖުރާތުގެ ޑާބީލުގެ މަދަރުސާއެއްގައި ކިޔަވައިވިދާޅުވެފައެވެ. އަދި ޕާކިސްތާނުގައި ވެސް ދުވަސްކޮޅަކު ކިޔަވައިވިދާޅުވިއެވެ. އެއަށްފަހު ސައޫދީ އަރަބިއްޔާގެ މަދީނާގައި ހުންނަ އަލްޖާމިޢަތުލް އިސްލާމިއްޔާ (މަދީނާ އިސްލާމިކް ޔުނިވަރސިޓީ) ގެ ކުއްލިއްޔަތުއް ޝަރީޢާގައި ތަޢުލީމު ހާސިލުކުރެއްވިއެވެ. ޝައިޚް ރުޝްދީވަނީ ޢަރަބިބަހާއި، އުރުދޫބަހާއި، ފާރިސީބަސް އުނގެނިވަޑައިގެންފައެވެ.
ފަޟީލަތުއްޝައިޚް އިބްރާހީމް ރުޝްދީ ވަނީ އައްޑުއަތޮޅުގައި ހުރި އަތޮޅު ތަޢުލީމީ މަރުކަޒުގައި ޢަރަބިބަސް ކިޔަވައިދެއްވަން މުދައްރިސެއްގެ ގޮތުން މަސައްކަތްކުރައްވައިފައެވެ. އަދި އައްޑުއަތޮޅުގައި ސަރުކާރުން ޤާއިމުކުރެއްވި ސަދަން ސެކަންޑަރީ ސްކޫލުގައި ވެސް މަަސައްކަތްކުރައްވައިފައިވެއެވެ.