ޙުސައިން ރަޝީދު އަޙްމަދު
ޙުސައިން ރަޝީދު އަޙްމަދު | |
|---|---|
 | |
| ސައޫދީ އަރަބިއްޔާގައި ހުންނަދިވެހިރާއްޖޭގެ އެމްބަސީގެ ކޮންސަލް ޖެނެރަލް | |
މަޤާމުގައި 16 ޑިސެންބަރު 2021 – 17 ނޮވެންބަރު 2023 | |
| މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒް | |
މަޤާމުގައި 23 ޑިސެންބަރު 2010 – 7 ފެބުރުވަރީ 2012 | |
| މިނިސްޓަރ އޮފް ސްޓޭޓް ފޮރ ހޯމް އެފެއާޒް | |
މަޤާމުގައި 24 ނޮވެންބަރު 2009 – 23 ޑިސެންބަރު 2010 | |
| އުފަންވީ | 18 މާރޗް 1957 ހިތަދޫ (އައްޑުއަތޮޅު)، ދިވެހިރާއްޖެ |
| އެހެނިހެން ސިޔާސީ ގުޅުންތައް | ޢަދާލަތު ޕާޓީ |
| މަތީތަޢުލީމު | ޖާމިޢާ ތަޢުލީމާތު އިސްލާމިއްޔާ، ޕާކިސްތާން އުއްމުލްޤުރާ ޔުނިވަރސިޓީ މައްކާ (ސައޫދީ އަރަބިއްޔާ) ކިންގު ސުޢޫދު ޔުނިވަރސިޓީ، ރިޔާޟު (ސައޫދީ އަރަބިއްޔާ) |
އައްޝައިޚް ޙުސައިން ރަޝީދު އަޙްމަދު ދުނިޔޭގެ އަލިކަން ދެކެވަޑައިގަތީ 1957ވަނަ އަހަރުގެ މާރިޗު މަހުގެ 18ވަނަ ދުވަހުއެވެ. ޙުސައިން ރަޝީދު އަޙްމަދުގެ ބައްޕާފުޅަކީ އައްޑު އަތޮޅު ހިތަދޫ ތުއްބީގެ ޢަލީ ތައްޚާނުގެ އަޙްމަދު މަނިކުފާނެވެ. މަންމާފުޅަކީ ޢަލީ މަނިކުގެ ޢާއިޝާ މަނިކުފާނެވެ.
އައްޝައިޚް ޙުސައިން ރަޝީދު އަޙްމަދު ވަނީ ޕާކިސްތާނުގެ ޖާމިޢާ ތަޢުލީމާތު އިސްލާމިއްޔާއިންނާއި، ސަޢޫދީ ޢަރަބިއްޔާގެ އަލްމައްކަތުލްމުކައްރަމާގައި ހުންނަ އުއްމުލްޤުރާ ޔުނިވަރސިޓީންނާއި، ސަޢޫދީ ޢަރަބިއްޔާގެ ރިޔާޟުގައި ހުންނަ ކިންގު ސުޢޫދު ޔުނިވަރސިޓީން ތަޢުލީމު ޙާޞިލުކުރައްވައިފައެވެ.
އައްޝައިޚް ޙުސައިން ރަޝީދު އަޙްމަދު ފުރުއްވައިފައިވާ މަޤާމުތަކުގެ ތެރޭގައި ޢަދާލަތު ޕާޓީގެ ރައީސްކަމާއި، ދިވެހިރާއްޖޭގެ އިސްލާމީ ފިޤުހު އެކަޑަމީގެ މެންބަރުކަމާއި، މިނިސްޓަރ އޮފް ސްޓޭޓް ފޮރ ހޯމް އެފެއާޒްކަމާއި، މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒްކަމާއި، މިނިސްޓްރީ އޮފް ފޮރިން އެފެއާޒްގެ އެޑިޝަނަލް ސެކްރެޓަރީކަމާއި، ސަޢޫދީ ޢަރަބިއްޔާގައި ހުންނަ ދިވެހިރާއްޖޭގެ އެމްބަސީގެ ކޮންސަލް ޖެނެރަލްކަން ހިމެނެއެވެ.