ޖުމުލަ

ޖުމުލަ އަކީ ފުރިހަމަ މާނައެއް އެކުލެވޭ ގޮތަށް އަތުރައި ލެވިފައިވާ ބަސްތަކަކަށް ކިޔާ ނަމެކެވެ. މިއީ ދިވެހި ބަހުގެ ގަވާއިދު ( 1984 ) ގައި ޖުމުލަ މިބަހުގެ މާނަ ލިޔެފައިވާ ގޮތެވެ. ބޭރުގެ ބައެއް ބަސްވާރުން ބަޔާންކުރައްވާ ގޮތުގައި ޖުމުލަ އަކީ މައިގަނޑެއް ނުވަތަ މައިގަނޑު ތަކެއްގެ މައްޗަށް އެކުލެވިފައިވާ ގަވާއިދުގެ ކުޑަ ބަޔަކަށް ކިޔާ ނަމެކެވެ. ޖުމުލަ އޭ ކިޔަނީ މާނައެއް ދޭހަވާ ގޮތަށް އަތުރައިލެވިފައިވާ ލަފުޒު ސެޓަކަށެވެ.

ޖުމުލައިގެ ބާވަތްތައް

ޖުމުލައިގެ އޮނިގަނޑަށް ބަލައިގެން ބަހާލެވޭ ޖުމުލައިގެ ބާވަތްތައް

ސާދާ ޖުމުލަ

ސާދާ ޖުމުލައަކީ އިސްބަޔާއި ޚަބަރުގެ މައްޗަށް އެކުލެވޭ ޖުމުލައެވެ. އެހެންކަމުން ކޮންމެ ސާދާ ޖުމުލައެއްގައިވެސް އޮންނާނީ އެންމެ ބަސްކޯޅިއެކެވެ. ސާދާ ޖުމުލަ ދެބަޔަކަށް ބެހެއެވެ. އެއީ ނަމުގެ ޖުމުލައާއި ކަމުގެ ޖުމުލައެވެ. ނަމުގެ ޖުމުލައިގައި ކަމެއް ނުހިމެނޭނެއެވެ. ސާދާ ޖުމުލައިގެ ތެރެއިން ކަން ހިމެނޭ ޖުމުލަތަކަކީ ކަމުގެ ޖުމުލައެވެ.

މައުލޫމާތު

• ރިއަލިޓީ މޯލްޑިވްސް.ކޮމް ގައި އަލްފާޟިލް ޢަބުދުލް ޢަޒީޒު ޖަމާލު އަބޫބަކުރު ލިޔުއްވާފައިވާ ލިޔުމަކުން