ޝިރުކު

ޝިރުކަކީ ﷲ އާ އެހެން ފަރާތަކާ ބައިވެރިކުރުން ނުވަތަ އެއްފަދަކުރުމެވެ. ތައުޙީދާ ފުށުއަރާ ކޮންމެ ކަމަކީ ޝިރުކެކެވެ.

ޝިރުކު ބެހޭ ބައިތައް

އަލްޢައްލާމާ ޢަބްދުއްރަޙްމާން ބިން ނާޞިރް އައްސިޢްދީ ވިދާޅުވިއެވެ. ޝިރުކުގެ ވަނީ ދެ ވައްތަރެކެވެ.

1. ރުބޫބިއްޔަތުގައި (ﷲގެ ރައްބުވަންތަކަމުގައި) ކުރެވޭ ޝިރުކެވެ: އެއީ: ބައެއް މަޚްލޫގުތައް ޚަލްޤުކުރެއްވުމުގައި، ނުވަތަ ޙަލްޤުތަކުންގެ ކަންކަން (ހިންގަވައި) ތަދުބީރުކުރެއްވުމުގައި ﷲ އަށް ބައިވެރިޔަކު ވާކަމަށް އަޅާ އިޢުތިޤާދުކޮށް ޤަބޫލުކުރުމެވެ.
2. ﷲ އަށް އަޅުކަންކުރުމުގައި ކުރެވޭ ޝިރުކު. އަދި އެ ދެ ބަޔަކަށް ބެހެއެވެ. އެއީ ބޮޑު ޝިރުކާއި ކުޑަ ޝިރުކެވެ.
   • ބޮޑު ޝިރުކަކީ: އަޅުކަމުގެ ބާވަތްތަކުނެ އެއްވެސް ބާވަތެއްގެ އަޅުކަމެއް ﷲ ނޫން ފަރާތަކަށް ކުރުމެވެ. މިސާލަމަށް ﷲ ނޫން ފަރާތަކަށް ދުޢާކުރުމާއި ﷲ ނޫން ފަރާތެއްގެ ކިބައިން ހެޔޮކަމަށް އުންމީދުކުރުމާއި (އައްރަޖާއު) ނޫނީ އެހެން ފަރާތެއް ދެކެ ބިރުވެތިވުމާއި. ފަހެ މިއީ އެފަދަ ޢަމަލެއް ކުރާ މީހާ ދީނުން ބޭރުވެ ނަރަކައިގައި އަބަދަށް އޭނާ އޮންނަން މެދުވެރިކުރުވާ ޢަމަލެކެވެ.
   • އަދި ކުޑަ ޝިރުކަކީ: ﷲ ނޫން ފަރާތަކަށް ސީދާ އަޅުކަންކުރުމުގެ ދަރަޖަށް ނުދާ ނަމަވެސް އެކަންކަމަށް މަގުފަހި ކޮށްދެނިވި މަގުތަކާއި ވަސީލަތްތަކެވެ. މިސާލަކަށް ﷲ ނޫން ފަރާތެއް ގަންދީ ހުވައިކުރުމާއި، الرياء ނުވަތަ ދެއްކުންތެރިކަމާއި މި ފަދަ ކަންކަމެވެ.