ނަބިއްޔާގެ ނަމާދު (އަލްބާނީ)
|
ނަބިއްޔާގެ ނަމާދު މި ފޮތަކީ އިމާމް ނާޞިރުއްދީން އަލްއަލްބާނީ ލިޔުއްވާފައިވާ ފޮތެކެވެ. މިފޮތުގައި ނަބިއްޔާ މުޙައްމަދުގެފާނު ނަމާދު ކުރެއްވިގޮތް ވަރަށް ތަފްޞީލުކޮށް ޞައްޙަ ޙަދީޘް ތަކުގެ އަލީގައި ބަޔާން ކުރައްވާފައިވެއެވެ. މި ފޮތުގެ ޢިބާރާތްތައް ހުރީ އަންނަނިވި ޢިބާރާތްތަކުންނެވެ.
ތަޢާރަފް[އުނިއިތުރު ގެންނަވާ]
ﷲ އަށް ޙަމްދު ކުރަމެވެ. އެއިލާހަކީ، ނަމާދު އެއީ އެއިލާހުގެ އަޅުތަކުންގެ މައްޗަށް ފަރުޟެއް ކަމުގައި ލެއްވި އިލާހެވެ. އަދި ނަމާދަކީ އީމާން ކަމާއި ކާފަރުކަމާ ދެމެދު ވަކިކޮށްދޭ އިމެއް ކަމުގައި ލެއްވި އިލާހެވެ. އަދި އެ ނަމާދަކީ ފާޙިޝް ކަންތައް ތަކުން މީހާ ދުރުކޮށްދޭ އަޅުކަމެއް ކަމުގައި ލެއްވި އިލާހެވެ. އަދި ޞަލަވާތާއި ސަލާމް ލެއްވުން އެދި ދުޢާ ކުރަނީ އަންނަނިވި ކީރިތި އާޔަތްތަކުގައި މުޚާޠަބު ކުރެވިފައިވާ މާތް ނަބިއްޔާ އަށެވެ.