ޙަސަން ތައުފީޤް ޢަބްދުއްރަޙްމާން

އައްޝައިޚް ޙަސަން ތައުފީޤް ވަނީ މިޞްރުގެ ޤާހިރާގެ އިސްލާމިކް މިޝަންސް އިންސްޓިޓިއުޓުން ޝަހާދާ އިޢުދާދިއްޔާ އާއި ޝަހާދާ ޘާނަވިއްޔާ ނިންމެވުމަށްފަހު، 1998 ވަނަ އަހަރު ޖާމިޢަތުލް އަޒްހަރުގެ ފެކަލްޓީ އޮފް ތިއޮލޮޖީ އިން ކީރިތި ޤުރްއާނުގެ ޢިލްމާއި ތަފްސީރުގެ ރޮނގުން ބެޗްލަރސް ޑިގްރީ ޙާސިލު ކުރައްވައިފައިވެއެވެ. އަދި ”ޝަރީޢާ އެންޑް އިސްލާމިކް ސްޓަޑީސް“ އިން 2014 ވަނަ އަހަރު ދިވެހިރާއްޖޭގެ ވިލާ ކޮލެޖުން މާސްޓަރސް ހާޞިލު ކުރައްވައިފައިވެއެވެ.

އައްޝައިޚްޙަސަން ތައުފީޤް ޢަބްދުއްރަޙްމާން މި ވަގުތު އަދާކުރައްވަމުން ގެންދަވަނީ މިނިސްޓްރީ އޮފް އިސްލާމިކް އެފެއާޒްގެ މުސާޢިދު ވާޢިޡު ކަމުގެ މަޤާމެވެ. މިނިސްޓްރީ އޮފް އިސްލާމިކް އެފެއާޒްގެ މުޝްރިފް މުސާޢިދެއްގެ ގޮތުގައާއި އިސްލާމީ ކަންތައްތަކާބެހޭ އެންމެ މަތީ މަޖިލީހުގައި ވެސް މުޝްރިފު މުސާޢިދެއްގެ މަޤާމާއި އިސް އިމާމެއްގެ ގޮތުގައި މަސައްކަތް ކުރައްވައިފައިވެއެވެ.

ތަޢުލީމީ ދާއިރާގައި ކުރައްވާފައިވާ މަސައްކަތްތަކުގެ ތެރޭގައި، ކޮލެޖް އޮފް އިސްލާމިކް ސްޓަޑީސްއާއި ވިލާ ކޮލެޖްގައި ޕާޓްޓައިމް ލެކްޗަރަރެއްގެ ގޮތުގައި މަސައްކަތް ކުރެއްވުމާއި، އިސްލާމިކް ޔުނިވަސިޓީގެ ޕާޓްޓައިމް ލެކްޗަރަރުކަން ހިމެނެއެވެ. އަދި ފަރީދިއްޔާ ސްކޫލްގެ އިސްލާމް ޓީޗަރެއްގެ ގޮތުގައި ވަޒީފާ އަދާކުރެއްވުމަށް ފަހު، ޣާޒީ ސްކޫލްގެ ޓީޗަރެއްގެ ގޮތުގައާއި ލީޑިން ޓީޗަރެއްގެ ގޮތުގައާއި އިސްލާމް އެންޑް ޤުރްއާން ޑިޕާޓްމަންޓް ގެ ހެޑް އޮފް ޑިޕާޓްމަންޓް ކަން ކުރައްވައިފައިވެއެވެ.

އައްޝައިޚް ޙަސަން ޙަސަން ތައުފީޤް ޢަބްދުއްރަޙްމާން ވަނީ ދިވެހިރާއްޖޭގެ އިސްލާމީ ފަތުވާދޭ އެންމެ މަތީ މަޖިލީހުގެ މެންބަރުކަން 2016، އޮގަސްޓު 3 ވަނަ ދުވަހުން ފެށިގެން 2021، އޮގަސްޓު 2 ވަނަ ދުވަހުގެ ނިޔަލަށް އަދާކުރައްވައިފައެވެ.