މުޙައްމަދު ޒާހިރު ނަޞީރު

ވިކިޕީޑިއާ އިންވިކިޕީޑިއާ

މުޙައްމަދު ޒާހިރު ނަޞީރު އަކީ އަލްފާޟިލް އާދަމް ނަޞީރު މަނިކުގެ ދަރިކަލެކެވެ. މަންމަ އަކީ ފާޠިމާ މަނިކެ އެވެ. ދުނިޔޭގެ އަލިކަން ދެކެވަޑައިގަތީ 18 ޑިސެމްބަރު 1929 ގައެވެ. މުޙައްމަދު ޒާހިރު ނަޞީރު އަކީ ސިލޯނަށް ވަޑައިގެން ސޯސަންވިލާގައި ހުންނަވައިގެން އިގިރޭސި ތަޢުލީމް ޙާޞިލްކުރެއްވި ބޭފުޅެކެވެ. ޞިއްޙީ ރޮނގުންނާއި ކުޅިވަރުގެ ރޮނގުން ފާހަގަކޮށްލެވޭ ބޭފުޅެކެވެ. ދިވެހިބަހުގެ އަދީބެއްގެގޮތުގައި ފާހަގަކުރެވޭ ލިޔުންތެރި އެކެވެ.

ފުރުއްވި މަގާމްތައް[އުނިއިތުރު ގެންނަވާ]

  • 1966 : ހޮސްޕިޓަލްގެ ޑޮކްޓަރުކަން
  • 4 ޖެނުއަރީ 1953 : ކުޅިވަރުގެ ސެކެޓްރީކަން
  • 1964 : ޕޯސްޓް ހެލްތުގެ ވެރިޔާކަން
  • 24 މެއި 1947 : މަދަރުސަތުއް ޞަލާޙިއްޔާގެ މުދައްރިސްކަން
  • 8 މެއި 1947 : މަދަރުސަތުލް މަޖީދިއްޔާގެ މުދައްރިސްކަން
  • 1968 : ރައްޔިތުން މަޖުލީހުގެ މާލެ އަތޮޅުގެ މެންބަރުކަން
  • 11 ނޮވެމްބަރު 1998 : މިނިސްޓްރީ އޮފް ޔޫތު އެންޑް ސްޕޯޓްސްގެ ނާއިބުކަން

އެއްބަނޑު އެއްބަފާ ބޭފުޅުން[އުނިއިތުރު ގެންނަވާ]

  • ޙައްވާ ޒާހިރާ މ.ފެންފިޔާޒުގެ
  • ޢުމަރު ޒާހިރު މ. ފެންފިޔާޒުގެ
  • އަޙުމަދު ޒާހިރު މ. ފެންފިޔާޒުގެ

ލިބިވަޑައިގެންފައިވާ ބައެއް އިނާމުތައް[އުނިއިތުރު ގެންނަވާ]

ރާއްޖޭގައި ކުޅިވަރު ތަރައްޤީ ކުރެއްވުމުގެ ރޮނގުން ކުރައްވަމުން ގެންދަވާ ޚިދްމަތްތައް ފާހަގަކުރައްވައި، މުޙަންމަދު ޒާހިރު ނަޞީރަށް، 1979 ވަނަ އަހަރު ސަރުކާރުން ވަނީ ޢާންމު ޚިދްމަތުގެ ހިތްވަރު ދިނުމުގެ އިނާމު ދެއްވާފައެވެ. އަދި އެރޮނގުން 1992 ވަނަ އަހަރު ޢާންމު ޚިދްމަތުގެ ޝަރަފުވެރިކަމުގެ އިނާމުވެސް ވަނީ ލިބިވަޑައިގެންފައެވެ.

އަދި މުޙައްމަދު ޒާހިރު ނަޞީރު ދިވެހި ޤައުމަށް ކޮށްދެއްވި ޚިދްމަތްތަކުގެ އަގުވަޒަން ކުރައްވައި ދިވެހި ސަރުކާރުން 2011 ވަނަ އަހަރު ވަނީ ދިވެހި ދައުލަތުގެ މަތިވެރި ޢިއްޒަތް ( ނިޝާން ޢިއްޒުއްދީންގެ ޢިއްޒަތުގެ ވެރިކަން ) އަރުވާފައެވެ.

އަވަހާރަވުން[އުނިއިތުރު ގެންނަވާ]

މުޙައްމަދު ޒާހިރު ނަޞީރު އަވަހާރަވީ 25 މެއި 2016 ވީ ބުދަ ދުވަހުގެ ވަގުތެއްގައެވެ.

މަރުޖިޢުތައް[އުނިއިތުރު ގެންނަވާ]

  • ހަދާނާއި ތާރީޚްގެ ތެރެއިން - 1 ވަނަ ބައި - އަހުމަދު ނަޖީބް - 2006