ޢައްބާސް އިބްރާހީމް

ޢައްބާސް އިބްރާހީމް ނުވަތަ ތުޅާދޫގޭ ޢައްބާސް އަކީ އަދީބެކެވެ. ވާހަކަ ދެއްކުން ތެރިއެކެވެ. މި މަނިކުފާނު މިހާރު ހުންނެވީ ދިވެހިބަހާއި ތާރީޚަށް ޚިދުމަތްކުރާ ޤައުމީ މަޖިލީސްގެ ރައީސް ކަމުގެ މަގާމުގައެވެ. ޢައްބާސް އިބްރާހީމް އަކީ ސަރުކާރަށް ގިނަގުނަ ޚިދުމަތްތަކެއް ކޮށްދެއްވާފައިވާ ފަރާތެކެވެ. ބައްޕަ އަކީ ތުޅާދޫގޭ އިބްރާހީމް މަނިކު ދޮންމަނިކު އެވެ. މަންމައަކީ ޙައްވާ އާދަމް (ހިމިތީ ޙައްވާ މަނިކެ) އެވެ. ދުނިޔޭގެ އަލިކަން ދެކެވަޑައިގަތީ 13އޮގަސްޓް 1941 ގައެވެ. ޢައްބާސް އިބްރާހީމް ތަޢުލީމް ޙާޞިލްކުރެއްވީ ދިވެހިރާއްޖެއިންނެވެ. ނަމަވެސް ދިވެހިރާއްޖެއިން ބޭރުން ކޯސްތަކެއް ހަދާފައިވެއެވެ. މަޖީދިއްޔާގެ މުސްކުޅި ދަރިވަރެކެވެ. އިގިރޭސި އަދި އުރުދޫ ބަސް ދެނެވަޑައިގަންނަވައެވެ. ދިވެހި ބަހުގެ ފުންނާބު އުސް އަދީބެކެވެ. މޮޅު ލިޔުންތެރި އެކެވެ. ކުޅަދާނަ ޝާއިރެކެވެ. މޮޅު ވާހަކަ ދެއްކުންތެރި އެކެވެ. ޢައްބާސް އިބްރާހީމް ވަނީ ތަފާތު ފޮތްތައް ނެރުއްވާފައެވެ. ސަރުކާރުގެ ވަޒީފާ އަދާކުރައްވަން ފެއްޓެވީ 1955 ވަނަ އަހަރު ވުޒާރަތުއް ދާޚިލިއްޔާގެ ކާތިބުކަމުގެ ވަޒީފާ އިންނެވެ. އަދި މަދަރުސަތުއް ޞަލާޙިއްޔާ އާއި މަދަރުސަތުލް ޢާލިޔާގެ މުދައްރިސްކަން ވެސް ކުރެއްވި އެވެ.

ޢައްބާސް އިބްރާހީމް އަކީ ނޫސް ވެރިކަމުގެ ކުރީ ސަފުގައި މަސައްކަތްކުރެއްވި ބޭފުޅެކެވެ. މިގޮތުން :-

1959 : ސެކެޓްރީ – މާލޭ ޓައިމްސްް
1960 : ސެކެޓްރީ – ފަތިސް
1979 : މަސްއޫލްވެރިޔާ – އާފަތިސް ނޫސް

ޢައްބާސް އިބްރާހީމް ގެ ޒުވާން ދުވަސްވަރު ދެކުނު ތިންއަތޮޅުގައި ހިނގި ގަޑުބަޑު ހަމަޖެއްސެވުމަށް އޭރުގެ ބޮޑު ވަޒީރު އިބްރާހީމް ނާޞިރު އާއެކު، ގައުމީ ޚިދުމަތުގައި ވަޑައިގެންނެވިއެވެ. ރާއްޖޭގެ ހުރިހާ ރަށަކަށް ޒިޔާރަތް ކުރުމުގެ ފުރުޞަތު ލިބިވަޑައިގެންނެވި ބޭފުޅެކެވެ.

ފުރުއްވި މަގާމްތައް[އުނިއިތުރު ގެންނަވާ]

5 ޑިސެމްބަރު 1982ން 11 ނޮވެމްބަރު 1983އަށް : ރައީސުލް ޖުމްހޫރިއްޔާގެ އެގްޒެކްޓިވް ސެކެޓްރީ
11 ނޮވެމްބަރު 1983 : މިނިސްޓަރ އޮފް ސްޓޭޓް ފޮރ ޕްރެޒިޑެންޝަލް އެފެއަރޒް
5 ޖެނުއަރީ 1983ން 30 މެއި 1990އަށް : މިނިސްޓަރ އޮފް ޓްރާންސްޕޯޓް އެންޑް ޝިޕިންގ
30 މެއި 1990 : މިނިސްޓަރ އޮފް ފިޝަރީޒް އެންޑް އެގްރިކަލްޗަރ
ރައްޔިތުން މަޖުލީހުގެ މެންބަރުކަން
ދިވެހިބަހާއި ޚިދުމަތްކުރާ ގައުމީ މަރުކަޒުގެ ރައީސްކަން
ރައްޔިތުންގެ ޚާއްޞަ މަޖުލީހުގެ ރައީސްކަން

އަލްފާޟިލް ޢައްބާސް އިބްރާހީމަށް 2013 ވަނަ އަހަރު ވަނީ ދިވެހި ދަޢުލަތުގެ މަތިވެރި ޢިއްޒަތް ( ނިޝާން ޢިއްޒުއްދީންގެ ޢިއްޒަތުގެ ވެރިކަން ) އަރުވާފައެވެ.

މަރުޖިޢުތައް[އުނިއިތުރު ގެންނަވާ]

ހަދާނާއި ތާރީޚްގެ ތެރެއިން - 1 ވަނަ ބައި - އަހުމަދު ނަޖީބް - 2006
ރައީސް އޮފީހުގެ ވެބްސައިޓް - 2013 ގައި ދިވެހި ދައުލަތުގެ މަތިވެރި ޢިއްޒަތް އަރުވާފައިވާ ބޭފުޅުން