ޢަބްދުއްރަޙީމް ޙަސަން
ޑރ. ޢަބްދުއްރަޙީމް ޙަސަން ވަނީ ނިއުޒީލެންޑުގެ ވެލިންގޓަންގައި ހުންނަ ވިކްޓޯރިއާ ޔުނިވަރސިޓީ އޮފް ވެލިންގޓަން އިން 2016 ވަނަ އަހަރު ތަޢުލީމީ ދާއިރާއިން ޑޮކްޓަރ އޮފް ފިލޯސޮފީ ހާސިލުކުރައްވައިފައެވެ. ޑރ. ޢަބްދުއްރަޙީމް ޕީ.އެޗް.ޑީ.އަށް ކުރެއްވި ދިރާސާތަކުގެ އަލީގައި ލިޔުއްވި ތަފާތު 3 އާޓިކަލް ބައިނަލްއަޤްވާމީ ޖަރނަލްތަކުގައި ޝާއިޢުކޮށްފައިވެއެވެ. އަދި އެގޮތަށް ލިޔުއްވި ބައެއް އާޓިކަލްތައް އިންޓަރނޭޝަނަލް ހަތަރު ކޮންފަރެންސަކަށް ހުށަހަޅުއްވައި، އެތަނުން އެއް ހުށަހެޅުއްވުމަށް ބެސްޓް ޕޭޕަރ އެވޯޑް ލިބިވަޑައިގެންފައިވެއެވެ.
ޑރ. ޢަބްދުއްރަޙީމް ޙަސަން ވަނީ ޑިޕާޓްމަންޓް އޮފް ހަޔަރ އެޑިޔުކޭޝަންގެ ޑިރެކްޓަރ ޖެނެރަލް ކަމުގެ މަޤާމު މީގެކުރިން އަދާކުރައްވައިފައެވެ. މިހާރު ހުންނެވީ މިނިސްޓަރ އޮފް ސްޓޭޓް ފޮރ ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ މަޤާމުގައެވެ.