ޙުސައިން ރަޝީދު ޙަސަން
ޑރ. ޙުސައިން ރަޝީދު ޙަސަން | |
|---|---|
 ޙުސައިން ރަޝީދު ޙަސަން، 2018 | |
| މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ | |
މަޤާމުގައި 5 މޭ 2021 – 17 ނޮވެންބަރު 2023 | |
| ރައީސް | އިބްރާހީމް މުޙައްމަދު ޞާލިޙް |
| ކުރިން ހުންނެވީ | ޒަހާ ވަޙީދު |
| ފަހުން ވަޑައިގަތީ | |
| މިނިސްޓަރ އޮފް އެންވަޔަރަމަންޓް | |
މަޤާމުގައި 17 ނޮވެންބަރު 2018 – 5 May 2021 | |
| ރައީސް | އިބްރާހީމް މުޙައްމަދު ޞާލިޙް |
| ކުރިން ހުންނެވީ | ޠާރިޤު އިބްރާހީމް |
| ފަހުން ވަޑައިގަތީ | އާމިނަތު ޝައުނާ |
| މިނިސްޓަރ އޮފް ސްޓޭޓް ފޮރ ފިޝަރީޒް އެންޑް އެގްރިކަލްޗަރ | |
މަޤާމުގައި 2008–2013 | |
| ރައީސް | މުޙައްމަދު ނަޝީދު ޑރ. މުޙައްމަދު ވަޙީދު ޙަސަން މަނިކު |
| ފަހުން ވަޑައިގަތީ | |
| ސިޔާސީ ޕާޓީ | ޖުމްހޫރީ ޕާޓީ |
| މަތީތަޢުލީމު | އޮސްޓްރޭލިއަން މެރިޓައިމް ކޮލެޖު ޔުނިވަރސިޓީ އޮފް ޕޯޓްސްމައުތު |
| އިނާމުތައް | ސަރުކާރުން ދެއްވާ ޚާއްޞަ އިނާމު - 2002 |
ޑރ. ޙުސައިން ރަޝީދު ޙަސަނަކީ މަސްވެރިކަމުގެ ދާއިރާއިން ޑޮކްޓަރ އޮފް ފިލޯސަފީ (ޕީއެޗްޑީ) ހައްދަވައިފައިވާ ބޭފުޅެކެވެ.
ޑރ. ޙުސައިން ރަޝީދު ޙަސަން ފުރަތަމަ ޑިގުރީ ޙާޞިލުކުރެއްވީ ފިޝަރީޒް ސައިންސެސް އެންޑް މެނޭޖްމަންޓްގެ ދާއިރާއިން އޮސްޓްރޭލިއާގެ އޮސްޓްރޭލިއަން މެރިޓައިމް ކޮލެޖުގައެވެ. ޑިސްޓިންކްޝަނާ އެކު މާސްޓަރސް ޑިގްރީ ޙާޞިލުކުރެއްވީ ފިޝަރީޒް އިކޮނޮމިކްސްގެ ދާއިރާއިންނެވެ. ޕީއެޗްޑީ ޙާޞިލުކުރެއްވީ ވެސް މަސްވެރިކަމުގެ ދާއިރާ (އިންޓަރނޭޝަނަލް ޕްރޮޑަކްޝަން އެންޑް ޓްރޭޑް އިން ޕްރިންސިޕަލް މާކެޓް އޮފް ޓޫނާސް) އިން އިނގިރޭސިވިލާތުގެ ޔުނިވަރސިޓީ އޮފް ޕޯޓްސްމައުތުގި 2001ވަނަ އަހަރުގައެވެ.
ޑރ. ޙުސައިން ރަޝީދު ޙަސަން ސަރުކާރުގެ ޚިދުމަތް ފެއްޓެވީ 1986ވަނަ އަހަރުގައެވެ. މިނިސްޓްރީ އޮފް ފިޝަރީޒް އެންޑް އެގްރިކަލްޗަރގައްޔާއި މިނިސްޓްރީ އޮފް ހިއުމަން ރިސޯސަސް، އެމްޕްލޮއިމަންޓް އެންޑް ލޭބަރގައި މަސައްކަތްޕުޅުކުރައްވައިފައިވެއެވެ. އަދި ރައްޔިތުންގެ ޚާއްޞަ މަޖިލީހުގެ މެންބަރުކަމާއި، 2008ވަނަ އަހަރު ޤާނޫނުއަސާސީ އިޞްލާޙުކުރި މަޖިލީހުގެ ތ. އަތޮޅު މެންބަރުކަން ކުރައްވައިފައިވެއެވެ.
ކުރީގެ ރައީސް މުޙައްމަދު ނަޝީދާއި، ކުރީގެ ރައީސް ޑރ. މުޙައްމަދު ވަޙީދު ޙަސަން މަނިކުގެ ސަރުކާރުގައި (2008ވަނަ އަހަރުން 2013ވަނަ އަހަރަށް) މިނިސްޓަރ އޮފް ސްޓޭޓް ފޮރ ފިޝަރީޒް އެންޑް އެގްރިކަލްޗަރގެ މަޤާމުގައި ޑރ. ޙުސައިން ރަޝީދު ޙަސަން ހުންނެވިއެވެ.
1997ވަނަ އަހަރުން ފެށިގެން 2001ވަނަ އަހަރުގެ ނިޔަލަށް އިނގިރޭސިވިލާތުގެ ޔުނިވަރސިޓީ އޮފް ޕޯޓްސްމައުތުގެ ރިސަރޗަރއެއްގެ އިތުރުން ލެކްޗަރަރއެއްގެ މަޤާމު ޑރ. ޙުސައިން ރަޝީދު ޙަސަން އަދާކުރައްވައިފައިވެއެވެ. މީގެއިތުރުން ކުއްލިއްޔަތުއްދިރާސާތިލްއިސްލާމިއްޔާގެ ކޮލެޖު ކައުންސިލުގެ ރައީސްކަން 2011ވަނަ އަހަރުގެ ޖޫން މަހުން ފެށިގެން 2013ވަނަ އަހަރުގެ ނޮވެންބަރު މަހުގެ ނިޔަލަށް އަދާކުރައްވައިފައިވެއެވެ.
2018ވަނަ އަހަރުގެ ނޮވެންބަރު މަހުގެ 17ވަނަ ދުވަހު ރައީސް އިބްރާހީމް މުޙައްމަދު ޞާލިޙު ރައީސުލްޖުމްހޫރިއްޔާކަމާ ޙަވާލުވެވަޑައިގަތުމަށް ފަހު އެކުލަވައިލެއްވި ވަޒީރުންގެ މަޖިލީގުގައި މިނިސްޓަރ އޮފް އެންވަޔަރަމަންޓްގެ މަޤާމަށް ޑރ. ޙުސައިން ރަޝީދު ޙަސަން ހަމަޖެއްސެވިއެވެ. އެ މަޤާމުގައި ހުންނަވަނިކޮށް 2021 މޭ 5ވަނަ ދުވަހު މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރގެ މަޤާމަށް އެ މަނިކުފާނު ބަދަލުކުރެއްވިއެވެ.
ޑރ. ޙުސައިން ރަޝީދު ޙަސަން ޕީއެޗްޑީ ޙާޞިލުކުރައްވައިފައިވާތީ، 2002ވަނަ އަހަރު ސަރުކާރުން ދެއްވާ ޚާއްޞަ އިނާމު ލިބިވަޑައިގެންފައިވެއެވެ.