މަރުވާން ބިން ޙަކަމް

ފުރިހަމަ ނަންފުޅަކީ މަރުވާން ބިން ޙަކަމް ބިން އަބީ ޢާސް ބިން އުމައްޔާ ބިން ޢަބުދު ޝަމްސު ބިން އަބުދު މަނާފް އެވެ. މަންމާފުޅަކީ އާމިނަތު ބިން ޢަލްގަމާ ބިން ޞަފްވާން ބިން އުމައްޔާ އެވެ. ވެރިކަމަށް އިސްކުރެވުނީ ހިޖުރައިން 64ވަނަ އަހަރު މުޢާވިޔަތު ބިން ޔަޒީދު އަވަހާރަވުމުން މީސްތަކުން މަރުވާން އަށް ވެރިކަމަށް އިސްވުމަށް ބައިއަތު ހިފުމުންނެވެ.

މަރުވާން ބިން ހަކަމް އަވަހާރަވެފައިވަނީ ހިޖުރައިން 65ވަނަ އަހަރު އުމުރުފުޅުން 63އަހަރު ގައެވެ. ބުނެވޭގޮތުގައި މަރުވާން އަވަހާރަވީ ވިހަވެގެންނެވެ. އަނެއްބަޔަކު ބުނާގޮތުން މަރުވާން އަހަވާރަވީ ޕްލޭގް ޖެހިގެންނެވެ. ޚަލީފާކަން 10މަސްދުވަހު ކޮށްފައި ވެއެވެ.