އޮސްޓްރިއާ

Republic of Austria Republik Österreich
Flag Coat of arms
ގައުމީ ސަލާމް: Land der Berge, Land am Strome  (German) Land of Mountains, Land by the River
Location of އޮސްޓްރިއާ (dark green) – in Europe (light green & dark grey) – in the European Union (light green)  –  [Legend]
ވެރިރަށް and largest city	Vienna
ރަސްމީ ބަސްތައް	German
އާންމު ސަރަހައްދީ ބަސްތައް	Slovene, Croatian, and Hungarian
ނަސްލު ގުރޫޕުތައް	82.5% Austrians
ޑިމޮނިމް	Austrian
ސަރުކާރު	Federal Parliamentary republic
• President	Alexander Van der Bellen
• Chancellor	Karl Nehammer
Independence
• Austrian State Treaty in force	July 27, 1955 (Duchy: 1156, Austrian Empire: 1804, First Austrian Republic: 1918−1938, Second Republic since 1945)
ސަރަޙައްދު
• Total	83,883 km2 (32,387 sq mi)
• Water (%)	1.7
އާބާދީ
• 2023 census	9,104,772
• Density	109/km2 (282.3/sq mi) (78th)
ޖީޑީޕީ (ޕީޕީޕީ)	2008 estimate
• ޖުމްލަ	$330.669 billion (34th)
• ބޮލަކަށް ޖެހެނީ	$39,887 (12th)
ޖީޑީޕީ (nominal)	2008 estimate
• ޖުމްލަ	$414.828 billion (23rd)
• ބޮލަކަށް ޖެހެނީ	$50,039 (12th)
ޖިނީ (2000)	29.1 low
އެޗްޑީއައި (2007)	0.955  (14th)
ފައިސާ	Euro (€) ² (EUR)
ޓައިމް ޒޯން	ފަންވަތް:Tz
• ސަމާ (ޑީއެސްޓީ)	ފަންވަތް:Tz
ކޯލް ކޯޑް	43
އައިއެސްއޯ 3166 ކޯޑް	AT
އިންޓަރނެޓް ޓީއެލްޑީ	.at ³
Slovene, Croatian, Hungarian are officially recognised regional languages and Austrian Sign Language is a protected minority language throughout the country. Euro since 1 Jan 1999 virtual, since 1 Jan 2002 real currency; before: Austrian Schilling. The .eu domain is also used, as it is shared with other European Union member states.

އޮސްޓްރިޔާއަކީ މެދުތެރޭ ޔޫރަޕު ސަރަޙައްދަށް ނިސްބަތްވާ ޤައުމެކެވެ.

އަވަސް ކަޅިއަކުން ބަލައިލުމެއް

އޮސްޓްރިޔާގެ ރަސްމީ ބަހަކީ ޖަރުމަނު ބަހެވެ. އިނގިރޭސި ބަހުން މި ޤައުމުގެ މީހުންނަށް ކިޔަނީ އޮސްޓްރިޔަންސްއެވެ. ޤައުމުގެ އެންމެ ބޮޑު ޝަހަރަކީ ވިއެނާއެވެ. މި ޤައުމުގެ ވެރިރަށަކީ ވެސް މިއީއެވެ. އޮސްޓްރިޔާއަކީ ފެޑެރަލް ބަރުލަމާނީ ޖުމްހޫރިއްޔާއެކެވެ. ޤައުމުގެ އާބާދީއަކީ 8 މިލިއަނެވެ. އެހެންކަމާއެކު، މިއީ ދުނިޔޭގައި 93 ވަނައަށް އެންމެ އާބާދީ ބޮޑު ޤައުމެވެ. ބިމުގެ ބޮޑުމިނަކީ 83883 އަކަކިލޯމީޓަރެވެ. ދުއްވާއެއްޗެހި ދުއްވަނީ ކަނާތްފަރާތުންނެވެ. އިންޓަނެޓް ކޯޑަކީ at. އެވެ. ކޯލިން ކޯޑަކީ +43 އެވެ. ފައިސާގެ ގޮތުން ބޭނުންކުރަނީ ޔޫރޯއެވެ.

ނަން

އޮސްޓްރިޔާގެ މާނައަކީ އިރުމަތީ ވެރިކަމެވެ.

ޖުޣުރާފީ

އޮސްޓްރިޔާއަކީ ބިންބަންދު ޤައުމެކެވެ. އޮސްޓްރިޔާގެ އުތުރުގައި އޮތީ ޖަރުމަނާއި ޗެކް ރިޕަބްލިކެވެ. އިރުމަތީގައި އޮތީ ސްލޮވާކިޔާ އާއި ހަންގޭރީއެވެ. ދެކުނުގައި އޮތީ ސްލޮވީނިޔާ އާއި އިޓަލީއެވެ. ހުޅަނގުގައި އޮތީ ސުވިޒަލޭންޑާއި ލީކްތަންސްޓައިނެވެ.

ތާރީޚު

އޮސްޓްރިޔާގައި ރޯމަނުންގެ ވެރިކަމުގެ ބާރު ކެނޑުމަށް ފަހުގައި ބަވާރީންނާއި ސްލާވުންނާއި އަވާރުން މި ސަރަޙައްދުގެ މައްޗަށް އެމީހުންގެ ބާރު ފޯރުވުމަށް މަސައްކަތްކޮށްފައިވެއެވެ. ނަޞާރާ ދީން އޮސްޓްރިޔާއަށް ތަޢާރަފު ކުރެވިފައިވަނީ މީލާދީން 8 ވަނަ ޤަރުނުގެ ތެރޭގައެވެ. އޮސްޓްރިޔާގެ ނަން އެންމެ ފުރަތަމައަށް ލިޔުމެއްގައި ޑޮކިއުމެންޓްކުރެވިފައިވަނީ މީލާދީން 996 ގައެވެ. އޮސްޓްރިޔާގެ ތާރީޚަށް ބަލާއިރު މީލާދީން 1156 އިން ފެށިގެން އޮސްޓްރިޔާ އޮތީ ޑަޗީއެއްގެ ގޮތުގައެވެ. މީލާދީން 1804 ވަނަ އަހަރާ ހަމައިގައި އޮސްޓްރިޔަން އެމްޕަޔަރގެ ގޮތުގައި ފާޅުވިއެވެ. އޮސްޓްރިޔާގެ ފުރަތަމަ ޖުމްހޫރިއްޔާ ޤާއިމުވެފައިވަނީ މީލާދީން 1918 ވަނަ އަހަރުގައެވެ. އެ ޖުމްހޫރިއްޔާ ވަނީ 1938 ހިސާބުގައި އުވިގެން ގޮސްފައެވެ. އޭގެ ފަހުން ދެވަނަ ޖުމްހޫރިއްޔާއެއް ޤާއިމުވެފައިވަނީ 1945 ގައެވެ. އޮސްޓްރިޔާއިން ޔޫރަޕިއަން ޔޫނިއަންގައި ބައިވެރިވީ 1 ޖަނަވަރީ 1995 ގައެވެ.

ޑެމޮގްރަފިކްސް

އޮސްޓްރިޔާގެ އާބާދީގެ ގާތްގަނޑަކަށް 25% މީހުން ދިރިއުޅެނީ ވެރިރަށް ވިއެނާ ކައިރީގައެވެ. އޮސްޓްރިޔާގެ ރަސްމީ ބަސް ކަމުގައިވާ ޖަރުމަނު ބަހުން، އެ ޤައުމުގެ އާބާދީގެ 88.6% މީހުން ވާހަކަ ދައްކައެވެ. ތުރުކީ ބަހުން ވާހަކަ ދައްކާ މީހުންގެ ނިސްބަތަކީ 2.3% އެވެ. ސާބިޔަން ބަހުން 2.2% މީހުން ވާހަކަދައްކާއިރު ކްރޮއޭޝިޔަން ބަހުން 1.6% މީހުން ވާހަކަ ދައްކައެވެ. ހަންގޭރީ ބަހުން 0.5% މީހުން، ބޮސްނިޔަން ބަހުން 0.4% މީހުން ވާހަކަ ދައްކައެވެ. 20 ވަނަ ޤަރުނު ނިމިގެން ދިޔަ އިރު އޮސްޓްރިޔާގައި ރަޖިސްޓްރީވެފައި ތިބި ރޯމަން ކެތަލިކް ކްރިސްޓިޔަނުންގެ ނިސްބަތަކީ 74% އެވެ. އޮސްޓްރިޔާގެ 5% މީހުންނަކީ ޕްރޮޓެސްޓެންޓް ކްރިސްޓިޔަނުންނެވެ. އޮސްޓްރިޔާގެ އާބާދީގެ 12% މީހުން، އެއްވެސް ދީނަކަށް ތަބާ ނުވާ ކަމަށް ބުނާއިރު، 340000 މުސްލިމުން މި ޤައުމުގައި ދިރިއުޅެއެވެ. މިއީ މުސްލިމުންގެ ގޮތުގައި ރަޖިސްޓްރީވެފައިވާ ޢަދަދެވެ. އޮސްޓްރިޔާގެ އާބާދީގެ ތެރެއިން 8% މީހުންނަކީ އިލާހަކުވާކަމަށް ޤަބޫލުނުކުރާ މީހުންނެވެ.

ސަގާފަތު

ބަހާއި ސަގާފަތުގެ ގޮތުން އޮސްޓްރިޔާއާ އެންމެ ގާތް ޤައުމަކީ ޖަރުމަނެވެ. މިއުޒިކުގެ ގޮތުން ބަލާއިރުގައި އޮސްޓްރިޔާއަކީ ވަރަށް ފާހަގަކޮށްލެވޭ ޤައުމެކެވެ. ޔޫރަޕުގެ މަޝްހޫރު ސަންގީތުކާރުންގެ ތެރޭގައި އޮސްޓްރިޔާގެ ފައްނާނުން ހިމެނޭ ކަމީ މިކަމުގެ ހެތްކެކެވެ. އޮސްޓްރިޔާގެ ކެއުންތައް އައިސްފައިވަނީ އޮސްޓްރޯ-ހަންގޭރިޔަން އެމްޕަޔަރގެ ޒަމާނުން ފެށިގެންނެވެ.

އިޤްތިޞާދު

އޮސްޓްރިޔާއަކީ ޖީ.ޑީ.ޕީއަށް ބަލާއިރުގައި ދުނިޔޭގެ އެންމެ މުއްސަނދި 12 ޤައުމުގެ ތެރޭގައި ހިމެނޭ ޤައުމެކެވެ. އޮސްޓްރިޔާގައި އޮންނަނީ ވަރަށް ވެސް ބޮޑަށް ތަރައްޤީވެފައިވާ ސޯޝަލް މާކެޓް އިކޮނޮމީއެކެވެ. އެ ޤައުމުގެ ޖީ.ޑީ.ޕީ ޕަރކެޕިޓާ އަކީ 8634 ޑޮލަރެވެ.