އިބްރާހީމް ފައިޞަލް
އިބްރާހީމް ފައިޞަލް ދުނިޔޭގެ އަލިކަން ދެކެވަޑައިގަތީ 18 ޖުލައި 1986 ގައެވެ.
އިބްރާހީމް ފައިޞަލް މަތީ ތަޢުލީމު ޙާޞިލްކުރައްވައިފައިވަނީ މެލޭޝިޔާގެ ވެސްޓްމިންސްޓަރ އިންޓަނޭޝަނަލް ކޮލެޖުން ބިޒްނަސް ސްޓަޑީޒްގެ ދާއިރާއިންނެވެ.
ސަރުކާރުގެ ޚިދުމަތުގައި އެ މަނިކުފާނު ފުރަތަމަ މަސައްކަތްކުރެއްވީ ފުލުހުންގެ އިދާރާގައެވެ. އޭގެފަހުން، މިނިސްޓްރީ އޮފް ޔޫތު އެންޑް ސްޕޯޓްސްގެ ޑެޕިއުޓީ މިނިސްޓަރުކަމުގެ މަޤާމު 2013ވަނަ އަހަރުން 2015ވަނަ އަހަރަށް އަދާކުރެއްވިއެވެ. އަދި 2015ވަނަ އަހަރުން ފެށިގެން 2018ވަނަ އަހަރަށް އެ މަނިކުފާނު ވަނީ މެލޭޝިޔާގައި ހުންނަ ދިވެހިރާއްޖޭގެ ހައި ކޮމިޝަންގެ އެޑިޝަނަލް ސެކްރެޓަރީގެ މަޤާމުގައި ޚިދުމަތްކުރައްވައިފައެވެ. 2023 ނޮވެންބަރު 17ވަނަ ދުވަހުން ފެށިގެން 2025 ޖަނަވަރީ 25ވަނަ ދުވަހުގެ ނިޔަލަށް ދިވެހިރާއްޖޭގެ ފަތުރުވެރިކަމާ ބެހޭ ވަޒީރުކަން އެ މަނިކުފާނު އަދާކުރައްވައިފައިވެއެވެ.