އަތޮޅުތަކުގެ ނަން

އަތޮޅުތަކުގެ ނަންތައް ނެގިފައިވަނީ ޢާއްމު ގޮތެއްގައި އަތޮޅުގައި އޮންނަ ރަށަކާ ގުޅުވައިގެންނެވެ.މިގޮތުން ފާހަގަ ކޮއްލެވޭ އެއް އަތޮޅަކީ މުލަކު އަތޮޅެވެ. މުލަކު އަތޮޅު ނެގިފައިވަނީ " މ.މުލައް" މި ރަށުންނެވެ.

ތިލަދުންމަތި

މިއަތޮޅުގެ ނަންދެވިފައިވަނީ އެއަތޮޅުގައި ކުރިން އޮތް، ނަމަވެސް މިހާރު ނެތް ތިލަދޫ ކިޔުނު ރަށުންނެވެ. މިރަށްވަނީ މިހާރު ހއ. ދިއްދޫ އާއި އެކުވެ ހިކިގެންނެވެ. ތިލަދުންމަތީގެ ބައެއްގެ ގޮތުގައި ކުޑަ އެހެން އަތޮޅެއްވެސް ހިމެނިގެން ވެއެވެ. އެއީ އިހަވަންދިއްޕޮޅު އެވެ.

މިލަދުން މަޑުލު

މިއަތޮޅަށް ކިޔޭ ނަންނެގިފައިވަނީ އެއަތޮޅުގައިވާ މިލަދޫ އާއި ގުޅުވައިގެންނެވެ.

މާޅޮސް މަޑުލު

މިއަތޮޅަށް ކިޔޭ ނަން ނެގިފައިވަނީ އެއަތޮޅުގައިވާ މާޅޮސް އާއި ގުޅުވައިގެންނެވެ.

ފާދިއްޕޮޅު

މިއަތޮޅަށް ކިޔޭ ނަން ނެގިފައިވަނީ އެއަތޮޅުގައި އޮންނަ ފާދޫ އާއި ގުޅުވައިގެންނެވެ.

މާލެ އަތޮޅު

މިއަތޮޅަށް ކިޔޭނަން ނެގިފައިވަނީ އެއަތޮޅުގައިވާ މާލެ އާއި ގުޅުވައިގެންނެވެ.

އަރިއަތޮޅު

ކުރިން މިއަތޮޅަށް ކިޔާ އުޅެނީ އަރިއަދެ އަތޮޅު އެވެ. މިއަތޮޅަށް ކިޔޭ ނަން ނެގިފައިވަނީ އެއަތޮޅުގައިވާ އަރިއަދޫ އާއި ގުޅުވައިގެންނެވެ.

ފެލިދެ އަތޮޅު

މިއަތޮޅަށް ކިޔޭނަން ނެގިފައިވަނީ އެއަތޮޅުގައިވާ ފެލިދޫ އާއި ގުޅުވައިގެންނެވެ.

މުލަކަތޮޅު

މިއަތޮޅަށް ކިޔޭނަން ނެގިފައިވަނީ އެއަތޮޅުގައިވާ މުލައް އާއި ގުޅުވައިގެންނެވެ. މިރަށަށް ބޮލި މުލަކު ވެސް ކިޔައެވެ.

ނިލަންދެ އަތޮޅު

މިއަތޮޅަށް ކިޔޭނަން ނެގިފައިވަނީ އެއަތޮޅުގައިވާ ނިލަންދޫ އިން ފެށިގެން ދެއަތޮޅަށް ބައިކޮއްފައިވާތީއެރަށާ ގުޅުވައިގެންނެވެ.ސަބަބަކީ ނިލަންދޫ އާއި ހުޅުދެލިން އަތޮޅު ބައިކުރުމެވެ.

ކޮޅު މަޑުލު

މިއަތޮޅުއަށް ކިޔޭނަން ނެގިފައވަނީ އެއަތޮޅުގައިވާ ކަނޑޫދޫ އާއި ގުޅުވައިގެންނެވެ. ކުރިން މިއަތޮޅަށް ކިޔަނީ ކޮޅުވައްދިން މަޑުލު އެވެ.

ހުވަދު އަތޮޅު

ކުރިން މިއަތޮޅަށް ކިޔަނީ ހުވަދުއްމަތި އެވެ.

ފުވައްމުލައް

މިއަތޮޅަށް ކިޔޭނަން ނެގިފައިވަނީ ފުވައްމުލައް އާއި ގުޅުވައިގެންނެވެ.

އައްޑޫ އަތޮޅު

މިއަތޮޅަށް ކިޔޭނަން ނެގިފައިވަނީ އެއަތޮޅުގައިވާ އައްޑޫ ކިޔާ ކުޑަ ރަށަކާއި ގުޅުވައިގެންނެވެ. އަދި އެހެން ގޮތަކަށް ވެސް މިއަތޮޅަށް ނަންދެވިފައިވާ ކަމަށް ވެއެވެ. އެއީ އަތޮޅުގައި ހިމެނޭ ދޫ ކިޔާ 8 އަށްރަށުގެ ނަން އެއްކޮށް ކިޔޭ ނަމެއްގެ ގޮތުން އައްޑޫ ކިޔާފައިވަނީ އެވެ. އެއަށް ރަށަކީ :-

• ހުޅުދޫ
• މީދޫ
• މަރަދޫ
• ފޭދޫ
• ގެރަދޫ
• ހިތަދޫ
• މާމެންދޫ
• ނާސިރައްދޫ