ރީކޯ މޫސާ މަނިކު
މޫސާ މަނިކު | |
|---|---|
 ރީކޯ މޫސާ މަނިކު | |
| ރައްޔިތުންގެ މަޖިލީހުގެ ނާއިބު ރައީސް | |
މަޤާމުގައި 2014–2019 | |
| ރައީސް | ޢަބްދުﷲ ޔާމީން ޢަބްދުލްޤައްޔޫމް |
| ކުރިން ހުންނެވީ | އަޙްމަދު ނާޡިމް |
| ފަހުން ވަޑައިގަތީ | އީވާ ޢަބްދުﷲ |
| ރައްޔިތުންގެ މަޖިލީހުގެ މެންބަރު | |
މަޤާމުގައި 2014–2019 | |
| ކުރިން ހުންނެވީ | ހަމަ ރީކޯ މޫސާ މަނިކު |
| ފަހުން ވަޑައިގަތީ | |
| ދާއިރާ | ހުޅުހެންވޭރު |
މަޤާމުގައި 2009–2014 | |
| ފަހުން ވަޑައިގަތީ | ހަމަ ރީކޯ މޫސާ މަނިކު |
| ދާއިރާ | ހުޅުހެންވޭރު |
| އުފަންވީ | 9 ފެބްރުއަރީ 1961 |
| ސިޔާސީ ޕާޓީ | ދިވެހިރައްޔިތުންގެ ޑިމޮކްރެޓިކް ޕާޓީ - (2005 - 2014)، (2022އިން ފެށިގެން) |
| އެހެނިހެން ސިޔާސީ ގުޅުންތައް | ޕްރޮގްރެސިވް ޕާޓީ އޮފް މޯލްޑިވްސް (2017 - 2022) |
| ކުރުނަން | ރީކޯ |
ރީކޯ މޫސާ މަނިކަކީ ރައްޔިތުންގެ މަޖިލީހުގެ ނާއިބު ރައީސްކަން ކުރައްވައިފައިވާ ބޭފުޅެކެވެ. މޫސާ މަނިކު އުފަންވެވަޑައިގަތީ 1961ވަނަ އަހަރުގެ ފެބުރުވަރީ މަހުގެ 9ވަނަ ދުވަހުއެވެ.
ރީކޯ މޫސާ މަނިކު ސިޔާސީ ދާއިރާއަށް ވަދެވަޑައިގަތީ 2000 ގެ ކުރީކޮޅެވެ. 2005ވަނަ އަހަރު ރައްޔިތުންގެ މަޖިލީހުގެ އިންތިޚާބުގައި ވާދަކުރައްވައި ހޮވިވަޑައިގަތެވެ. 2009ވަނަ އަހަރު ރައްޔިތުންގެ މަޖިލީހުގެ އިންތިޚާބުގައި ހުޅުހެންވޭރު ދާއިރާގެ ގޮނޑިއަށް ހޮވިވަޑައިގަތެވެ. 2014ވަނަ އަހަރު ވެސް އެ ދާއިރާއަށް މޫސާ މަނިކު ކުރިމަތިލައްވައި ހޮވިވަޑައިގަތެވެ. އަދި 18ވަނަ ރައްޔިތުންގެ މަޖިލީހުގެ ނާއިބު ރައީސްކަމުގެ މަޤާމަށް ވެސް މޫސާ މަނިކު ހޮވިވަޑައިގަތެވެ.
މޫސާ މަނިކަކީ ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އުފެއްދެވުމުގައި އިސްކޮށް ޙަރަކާތްތެރިވެ ވަޑައިގެންނެވި ބޭފުޅެކެވެ. މޫސާ މަނިކު ވަނީ 2011ވަނަ އަހަރުގެ ޖޫން މަހުގެ 19ވަނަ ދުވަހުން ފެށިގެން 2014ވަނަ އަހަރުގެ އެޕްރީލް މަހުގެ 1ވަނަ ދުވަހާ ހަމައަށް އެމްޑީޕީގެ ޗެއަރޕާސަންގެ މަޤާމު އަދާކުރައްވައިފައެވެ. 2014ވަނަ އަހަރުގެ ތެރޭގައި މޫސާ މަނިކު އެމްޑީޕީން ވަކިކުރިއެވެ. އެއަށްފަހު އޭނާ ޙަރަކާތްތެރިވެވަޑައިގަތީ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގައެވެ. 2022ވަނަ އަހަރުގެ ތެރޭގައި މޫސާ މަނިކު ވަނީ އަލުން އެމްޑީޕީއާ ގުޅިވަޑައިގެންފައެވެ.
ރީކޯ މޫސާ މަނިކަކީ ކުރީގެ ފިލްމީ ތަރިއެކެވެ. އެގޮތުން ވަރަށް ގިނަ ދިވެހި ފިލްމް ތަކުގައި މޫސަ ވަނީ ހަރަކާތްތެރިވެފައެވެ.
ކުޅެފައިވާ ފިލްމްތައް
[އުނިއިތުރު ގެންނަވާ]- ލޯބިވެވިދާނެ
- ފަތިސް ހަނދުވަރު
- 2000 ވަނަ އުފަންދުވަސް
- ދައުވާ
- ލޯބީގެ ތޫފާން
- އިއްތިފާގު
- އެދުވަސް ހިނގައްޖެ
- ބިރު
- ހީލަތް
- ހައްގު
- ނާއުއްމީދު
- ގިނިހިލަ
- ސިއްރު
- އިއްތިފާގު
- މަޖުބޫރު ލޯބި