ޢަބްދުލްޣަނީ މުޙައްމަދު

ޢަބްދުލްޣަނީ މުޙައްމަދު
ޢަބްދުލްޣަނީ މުޙައްމަދު
	ޢަބްދުލްޣަނީ މުޙައްމަދު، 2025
ދިވެހިރާއްޖޭގެ އުއްތަމަ ފަނޑިޔާރު
	މަޤާމާ ހަވާލުވެވަޑައިގަތީ ; 6 އޮގަސްޓު 2025
ރައީސް	މުޙައްމަދު މުޢިއްޒު
ކުރިން ހުންނެވީ	އަޙްމަދު މުޢުތަޞިމް ޢަދުނާން
ފަހުން ވަޑައިގަތީ
ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު
	މަޤާމުގައި; 28 ޖޫން 2018 – 4 ޑިސެންބަރު 2019
ރައީސް	ޢަބްދުﷲ ޔާމީން ޢަބްދުލްޤައްޔޫމް
ފަހުން ވަޑައިގަތީ
ދިވެހިރާއްޖޭގެ ހައި ކޯޓުގެ ފަނޑިޔާރު
	މަޤާމުގައި; 14 މާރިޗު 2004 – 28 ޖޫން 2018
ރައީސް	މައުމޫން ޢަބްދުލް ޤައްޔޫމް; މުޙައްމަދު ނަޝީދު; ޑރ. މުޙައްމަދު ވަޙީދު ޙަސަން މަނިކު; ޢަބްދުﷲ ޔާމީން ޢަބްދުލްޤައްޔޫމް
ފަހުން ވަޑައިގަތީ
ޖުޑީޝަލް ސަރވިސް ކޮމިޝަނުގެ ރައީސް
	މަޤާމުގައި; 27 ޖުލައި 2009 – 21 ޖަނަވަރީ 2010
ކުރިން ހުންނެވީ	ޙަސަން ޢަފީފު
ފަހުން ވަޑައިގަތީ	މުޖްތާޛު ފަހްމީ
މަދަނީ ކޯޓުގެ ޤާޟީ
	މަޤާމުގައި; 10 ޖުލައި 2000 – 14 މާރިޗު 2004
ރައީސް	މައުމޫން ޢަބްދުލް ޤައްޔޫމް
ފަހުން ވަޑައިގަތީ
ތަޢުލީމް	މަޢުހަދުއްދިރާސާތިލްއިސްލާމިއްޔާ
މަތީތަޢުލީމު	އަލްއަޒްހަރު ޔުނިވަރސިޓީ; ދިވެހިރާއްޖޭގެ އިސްލާމީ ޔުނިވަރސިޓީ

އަލްއުސްތާޛު ޢަބްދުލްޣަނީ މުޙައްމަދަކީ ދިވެހިރާއްޖޭގެ މިހާރުގެ އުއްތަމަ ފަނޑިޔާރެވެ.

އަލްއުސްތާޛު ޢަބްދުލްޣަނީ މުޙައްމަދު ޘާނަވީ ތަޢުލީމު ޙާޞިލުކުރެއްވީ ކުރީގެ މަޢުހަދުއްދިރާސާތިލްއިސްލާމިއްޔާއިންނެވެ. އެއަށްފަހު މިޞްރުގެ އަލްއަޒްހަރު ޔުނިވަރސިޓީގައި 1999ވަނަ އަހަރު ޝަރީޢަތާއި ޤާނޫނުގެ ރޮނގުން ފުރަތަމަ ޑިގުރީ ޙާޞިލުކުރައްވައިފައެވެ. އަދި ދިވެހިރާއްޖޭގެ އިސްލާމީ ޔުނިވަރސިޓީގައި 2023ވަނަ އަހަރު މާސްޓަރ އޮފް އިސްލާމިކް ޖުޑީޝަލް ސައިންސް އެންޑް ޝަރީޢާ ޕޮލިސީ ޙާޞިލުކުރައްވައި އެ ކޯހުގެ ބެސްޓް ސްޓޫޑެންޓް އެވޯޑް ޙާޞިލުކުރައްވައިފައިވެއެވެ.

އަލްއުސްތާޛު ޢަބްދުލްޣަނީ މުޙައްމަދު ވަނީ ދިވެހިރާއްޖޭގެ ހައި ކޯޓުގެ ފަނޑިޔާރުކަން ކުރައްވައިފައެވެ. އެ މަޤާމަށް އެ މަނިކުފާނު ޢައްޔަންކުރެއްވީ 2004ވަނަ އަހަރުގެ މާރިޗު މަހުގެ 14ވަނަ ދުވަހުއެވެ. އަދި 2008، ސެޕްޓެންބަރު 21ވަނަ ދުވަހުން ފެށިގެން 2011 އެޕްރީލް 26ވަނަ ދުވަހާ ހަމައަށް، އަލްއުސްތާޛު ޢަބްދުލްޣަނީ މުޙައްމަދު ވަނީ ހައި ކޯޓުގެ އިސްފަނޑިޔާރުގެ މަޤާމު ފުރުއްވާފައެވެ. މީގެއިތުރުން ހައި ކޯޓުގެ ދެކުނު ގޮފީގެ އިސްފަނޑިޔާރުކަމާއި މަދަނީ ކޯޓުގެ ޤާޟީކަން ވެސް ކުރައްވައިފައިވެއެވެ. މަދަނީ ކޯޓުގެ ޤާޟީކަމަށް އަލްއުސްތާޛު ޢަބްދުލްޣަނީ މުޙައްމަދު އިސްކުރެއްވީ، 2000ވަނަ އަހަރުގެ ޖުލައި މަހުގެ 10ވަނަ ދުވަހުއެވެ.

2018ވަނަ އަހަރުގެ ޖޫން މަހުގެ 28ވަނަ ދުވަހު، ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުކަމުގެ މަޤާމަށް ޢައްޔަންކުރެއްވުމާ ހަމައަށް، ފަނޑިޔާރު އަލްއުސްތާޛު ޢަބްދުލްޣަނީ މުޙައްމަދުހުންނެވީ ދިވެހިރާއްޖޭގެ ހައި ކޯޓުގެ ފަނޑިޔާރުކަމުގެ މަޤާމުގައެވެ. ސުޕްރީމް ކޯޓުގެ ފަނޑިޔާރުކަން ކުރެއްވުމަށް ފަހު، ޓެކްސް އެޕީލް ޓްރައިބިއުނަލްގެ ރައީސްކަމުގެ މަޤާމު ވެސް އަލްއުސްތާޛު ޢަބްދުލްޣަނީ މުޙައްމަދު ފުރުއްވިއެވެ. އަދި ބައެއް ކޮލެޖު / ޔުނިވަރސިޓީތަކުގައި ޤާނޫނީ ރޮނގުން ކިޔަވައިދެއްވައިފައިވެއެވެ. މިގޮތުން ދިވެހިރާއްޖޭގެ އިސްލާމީ ޔުނިވަރސިޓީގެ ކުއްލިއްޔާ އޮފް ޝަރީޢާ އެންޑް ލޯގެ ސީނިއަރ ލެކްޗަރަރކަމުގައި 2024 އޮކްޓޫބަރު 24 ގެ ނިޔަލަށް ހުންނެވިއެވެ.

އަލްއުސްތާޛު ޢަބްދުލްޣަނީ މުޙައްމަދު ދިވެހިރާއްޖޭގެ އުއްތަމަ ފަނޑިޔާރުކަމަށް ޢައްޔަންކުރެއްވީ 2025 އޮގަސްޓު 6 ވީ ބުދަ ދުވަހުއެވެ.