ސޫރިޔާ

Syrian Arab Republic الجمهورية العربية السورية Al-Jumhūriyyah al-ʿArabiyyah as-Sūriyyah
Flag Coat of arms
ގައުމީ ސަލާމް: Homat el Diyar Guardians of the Land
ވެރިރަށް and largest city	Damascus
ރަސްމީ ބަސްތައް	Arabic1
Other common languages	Aramaic, Armenian, Kurdish, Turkish
ޑިމޮނިމް	Syrian
ސަރުކާރު	Presidential single party republic under Emergency Law since 1963 (Authoritarian)
• President	Bashar al-Assad
• Prime Minister	Muhammad Naji al-Otari
• Speaker of Parliament	Mahmoud al-Abrash
Independence  from French mandate
• Independence	April 17, 1946
ސަރަޙައްދު
• Total	185,180 km2 (71,500 sq mi) (88th)
• Water (%)	0.06
އާބާދީ
• 2009 estimate	21,906,000 (54th)
• Density	118.3/km2 (306.4/sq mi) (101st)
ޖީޑީޕީ (ޕީޕީޕީ)	2008 estimate
• ޖުމްލަ	$94.563 billion (64th)
• ބޮލަކަށް ޖެހެނީ	$4,756 (113th)
ޖީޑީޕީ (nominal)	2008 estimate
• ޖުމްލަ	$55.024 billion (68th)
• ބޮލަކަށް ޖެހެނީ	$2,767 (111th)
އެޗްޑީއައި (2007)	0.742  (107th)
ފައިސާ	Syrian pound (SYP)
ޓައިމް ޒޯން	ޔޫޓީސީ+2 (EET)
• ސަމާ (ޑީއެސްޓީ)	ޔޫޓީސީ+3 (EEST)
ޑްރައިވިންގ ސައިޑް	right
ކޯލް ކޯޑް	963
އައިއެސްއޯ 3166 ކޯޑް	SY
އިންޓަރނެޓް ޓީއެލްޑީ	.sy
Arabic (de jure), Syrian Arabic (de facto) The Franco-Syrian Treaty of Independence (1936), not ratified by France.

ސީރިޔަން އެރެބް ރިޕަބްލިކް ނުވަތަ ސޫރިޔާއަކީ އަކީ ހުޅަނގު އޭޝިޔާއަށް ނިސްބަތްވާ ޤައުމެކެވެ.

އަވަސް ކަޅިއަކުން ބަލައިލުމެއް

ސޫރިޔާގެ ރަސްމީ ބަހަކީ ޢަރަބި ބަހެވެ. ޢަރަބި ބަހުގެ އިތުރުން އާރާމީ ބަހާއި، އަރްމީނީ ބަހާއި، ކުރްދީ ބަހާއި، ތުރުކީ ބަސް ވެސް ސޫރިޔާގައި މުހިއްމު ބަސްބަހުގެ ގޮތުގައި ބޭނުން ކުރެވެމުންދެއެވެ. އިނގިރޭސި ބަހުން ސޫރިޔާ މީހުންނަށް ކިޔަނީ ސީރިޔަންސްއެވެ. ޤައުމުގެ އެންމެ ބޮޑު ޝަހަރަކީ ދިމިޝްޤެވެ. ސޫރިޔާގެ ވެރިރަށަކީ ވެސް ދިމިޝްޤެވެ. ސޫރިޔާއަކީ ރިޔާސީ އަދި އެއް ޕާޓީގެ ވެރިކަން ހިނގާ ޖުމްހޫރިއްޔާއެކެވެ. ޤައުމުގެ އާބާދީއަކީ 21 މިލިއަނެވެ. އެހެންކަމުން މިއީ ދުނިޔޭގައި 53 ވަނައަށް އެންމެ އާބާދީ ބޮޑު ޤައުމެވެ. ބިމުގެ ބޮޑުމިނަކީ 0.1 މިލިއަން އަކަކިލޯމީޓަރެވެ. ދުއްވާއެއްޗެހި ދުއްވަނީ ކަނާތްފަރާތުންނެވެ. އިންޓަނެޓް ކޯޑަކީ sy. އެވެ. ކޯލިން ކޯޑަކީ +963 އެވެ. ފައިސާގެ ގޮތުން ބޭނުންކުރަނީ ސީރިޔަން ޕައުންޑްސްއެވެ.

ނަން

ސޫރިޔާގެ ނަން ނިސްބަތްވަނީ އާޝޫރީންނަށެވެ. އާޝޫރިޔާގެ މާނައަކީ އާޝޫރީންގެ ބިމެވެ.

ޖުޣުރާފީ

ސޫރިޔާގެ ހުޅަނގުގައި އޮތީ ލުބުނާނާއި މެދުތެރޭ ކަނޑެވެ. އުތުރުގައި އޮތީ ތުރުކީއެވެ. އިރުމަތީގައި އޮތީ ޢިރާޤެވެ. ދެކުނުގައި އޮތީ އުރުދުންއެވެ. ހުޅަނގު ދެކުނުގައި އޮތީ އިސްރާއީލެވެ.

ތާރީޚު

ސޫރިޔާއަކީ ދުނިޔޭގެ އެންމެ ޤަދީމީ ޙަޟާރަތްތަކުގެ ތެރޭގައި ހިމެނޭ ތަނެކެވެ. ސޫރިޔާގެ ރަށެއް ކަމުގައިވާ އަބްލާއިން ވަނީ ކުރީގެ ވަރުގަދަ ސާމީ ރަށްވެހިކަމެއްގެ އަސަރު ފެނިފައެވެ. ރަތް ކަނޑުން ފެށިގެން އުތުރުން ތުރުކީއާ ހަމަޔަށް، އިރުމަތިން ޢިރާޤާ ހަމަޔަށް އޮތް ސަރަޙައްދުގައި ޤާއިމުވެފައި އޮތް މި ރަށްވެހިކަމަކީ އާމޫރީންގެ ރަށްވެހިކަމެއްގެ ގޮތުގައި ބެލެވިފައިވެއެވެ. އަބްލާގެ ރަށްވެހިކަމަކީ ޢީސާއީ މީލާދުގެ 3000 އަހަރު ކުރިން ޤާއިމުވި ރަށްވެހިކަމެއް ކަމަށް ތާރީޚީ ހޯދުންތަކުން ދައްކައެވެ. އަބްލާގެ ރަށްވެހިކަމުގައި ވިޔަފާރީގެ ގޮތުން އެންމެ ބޮޑަށް ގުޅިފައި ތިބީ ސޫމާރީންނާއި އައްކާދީންނާއެވެ. އަދި މިޞްރުގެ ފިރުޢައުނުން ފޮނުވާފައިވާ ހަދިޔާތައް އަބްލާއިން ފެނިފައިވުމުން މިޞްރާއި އަބްލާއާ ދެމެދު ގުޅުން އޮތްކަން ކަށަވަރުވެގެންދެއެވެ. އަބްލާވީ ބަހަކީ އައްކާދީ ބަހާއި ވަރަށް ބޮޑަށް ގުޅުން ހުރި ބަހެއް ކަމަށް ދިރާސާތަކުން ވަނީ ދައްކާފައެވެ. ޢީސާއީ މީލާދުގެ ކުރީގެ ދެވަނަ ސާސްކަފުގައި ސޫރިޔާއަށް ވަނީ ކަންޢާނީންނާއި ފީނީޤީންނާއި އާރާމީންގެ ވެރިކަން ހިންގާފައެވެ. މިޞްރީންނާއި ސޫމާރީންނާއި އާޝޫރީންނާއި ބާބިލީންނާއި ހިއްތީންނާ އެކި ދުވަސްވަރު ސޫރިޔާއާ ވަނީ ގުޅުން އުފެދިފައެވެ. ޢީސާއީ މީލާދުގެ 64 އަހަރުކުރީން ޕޮންޕޭ ދަ ގްރޭޓް ވަނީ އަންޠާކިއްޔާ ހިފާފައެވެ. މި ހިސާބުން ސޫރިޔާއަކީ ރޫމާނީންގެ ޕްރޮވިންސަކަށް ބަދަލުވިއެވެ. ރޫމާނީ އެމްޕަޔަރގެ ދުވަސްވަރުގައި ރޫމާއި އިސްކަންދަރިއްޔާއަށް ފަހުގައި ދެން އޮތް އެންމެ ބޮޑު ޝަހަރަކީ އިންޠާކިއްޔާއެވެ. ސޫރިޔާ ނުވަތަ ޝާމްކަރައަކީ ރޫމާނީ އެމްޕަޔަރ ގެ ޕްރޮވިންސްތަކުގެ ތެރެއިން އެންމެ މުހިއްމު އެއް ޕްރޮވިންސެވެ.

ޑެމޮގްރަފިކްސް

ސޫރިޔާގެ އާބާދީގައި އެންމެ ގިނައީ ސުންނީ މުސްލިމުންނެވެ. ދެން ޢަލަވީން (ނުޞައިރީން) ނާއި ޝީޢީންނާއި ކްރިސްޓިޔަނުުންގެ އިތުރުން ދުރޫޒީން ވެސް ކޮންމެ ވެސް ވަރަކަށް ސޫރިޔާގައި އުޅެއެވެ. 1960 ގެ އަހަރުތަކުން ފެށިގެން ޤައުމުގެ ވެރިކަމުގެ ބާރު އޮތީ ނުޞައިރީންގެ އަތުގައެވެ. މިހާރުގެ ރައީސް ޑރ. ބައްޝާރުލްއަސަދު ވެސް ހިމެނޭ ގޮތުންނެވެ. އެއްތްނިކް ގޮތުން ބަލާއިރު ސޫރިޔާގެ އާބާދީގެ 80% މީހުންނަކީ ޢަރަބިންނެވެ. ސޫރިޔާގެ އާބާދީގެ އަނެއް 20% އެކުލެވިގެންވަނީ ކުރުދީންނާއި އަރްމީނީންނާއި އާޝޫރީންނާއި ތުރްކުމަނުންނާއި ސިރްކާސީންގެ މައްޗަށެވެ.

ސަގާފަތު

ސޫރިޔާގެ ސަގާފަތަށް ކަންޢާނީންނާއި ފީނީޤީންނާއި އާރާމީންނާާއި މިޞްރީންނާއި ސޫމާރީންނާއި އާޝޫރީންނާއި ބާބިލީންނާއި ހިއްތީނީންގެ އަސަރުކޮށްފައިވާނޭ ކަމަށް ޤަބޫލުކުރެވެއެވެ.

އިޤްތިޞާދު

ސޫރިޔާގެ އިޤްތިޞާދަކީ މާވަރުގަދަ އިޤްތިޞާދެއް ނޫން ނަމަވެސް އެއީ މާ ބަލި އިޤްތިޞާދެއް ވެސް ނޫނެވެ. އެ ޤައުމުގެ ޖީ.ޑީ.ޕީ ޕަރކެޕިޓާ އަކީ 4756 ޑޮލަރެވެ.