މަޑަގަސްކަރަ

Republic of Madagascar Repoblikan'i Madagasikara République de Madagascar
Flag Coat of arms
މޮޓޯ: Tanindrazana, Fahafahana, Fandrosoana  (Malagasy) Patrie, liberté, progrès  (French) "Fatherland, Liberty, Progress"
ގައުމީ ސަލާމް: Ry Tanindrazanay malala ô! Oh, Our Beloved Fatherland
ވެރިރަށް and largest city	Antananarivo
ރަސްމީ ބަސްތައް	Malagasy, French, English1
ޑިމޮނިމް	Malagasy
ސަރުކާރު	Caretaker government
• President of the High Transitional Authority	Hery Rajaonarimampianina
• Prime Minister	Jean Ravelonarivo
Independence  from France
• Date	26 June 1960
ސަރަޙައްދު
• Total	587,041 km2 (226,658 sq mi) (45th)
• Water (%)	0.13%
އާބާދީ
• 2009 estimate	19,625,000 (55th)
• 1993 census	12,238,914
• Density	33.4/km2 (86.5/sq mi) (171st)
ޖީޑީޕީ (ޕީޕީޕީ)	2008 estimate
• ޖުމްލަ	$20.135 billion
• ބޮލަކަށް ޖެހެނީ	$996
ޖީޑީޕީ (nominal)	2008 estimate
• ޖުމްލަ	$9.463 billion
• ބޮލަކަށް ޖެހެނީ	$468
ޖިނީ (2001)	47.5 high
އެޗްޑީއައި (2007)	0.533  (143rd)
ފައިސާ	Malagasy ariary (MGA)
ޓައިމް ޒޯން	ޔޫޓީސީ+3 (EAT)
• ސަމާ (ޑީއެސްޓީ)	ޔޫޓީސީ+3 (not observed)
ޑްރައިވިންގ ސައިޑް	right
ކޯލް ކޯޑް	+261
އައިއެސްއޯ 3166 ކޯޑް	MG
އިންޓަރނެޓް ޓީއެލްޑީ	.mg
1Official languages since 27 April 2007.

މަޑަގަސްކަރައަކީ އެފްރިކާއަށް ނިސްބަތްވާ ޤައުމެއްގެ ގޮތުގައި ބެލެވެމުން އަންނަ ޤައުމެކެވެ. އެފްރިކާ ބައްރުގެ މައި ބިމާ ގާތުގައި ވަކި ރަށެއްގެ ގޮތުގައި އޮންނަ މަޑަގަސްކަރައަކީ ދުނިޔޭގެ ރަށްތަކުގެ ތެރެއިން ހަތަރުވަނައަށް އެންމެ ބޮޑު ރަށެވެ. މަޑަގަސްކަރައަކީ ދުނިޔޭގެ ގަސްގަހާގެއްސާއި ޖަނަވާރުތަކުގެ 5% ގެ ގޮވަތި ކަމުގައެވެ.

އަވަސް ކަޅިއަކުން ބަލައިލުމެއް

މަޑަގަސްކަރައިގެ ރަސްމީ ބަހަކީ މަލަގާސީ ބަހާއި، ފަރަންސޭސި ބަހާއި، އިނގިރޭސި ބަހެވެ. އިނގިރޭސި ބަހުން މަޑަގަސްކަރައިގެ މީހުންނަށް ކިޔަނީ މަލަގާސީސްއެވެ. ޤައުމުގެ އެންމެ ބޮޑު ޝަހަރަކީ އަންތަނަނާރިވޯއެވެ. ޤައުމުގެ ވެރިރަށަކީ ވެސް އަންތަނަނާރިވޯއެވެ. މަޑަގަސްކަރައިގައި މިވަގުތު އޮތީ ކެއަރޓޭކަރ ސަރުކާރެކެވެ. ޤައުމުގެ އާބާދީއަކީ 19 މިލިއަނެވެ. އެހެންކަމުން މިއީ ދުނިޔޭގައި 57 ވަނައަށް އެންމެ އާބާދީ ބޮޑު ޤައުމެވެ. ބިމުގެ ބޮޑުމިނަކީ 0.5 މިލިޔަން އަކަކިލޯމީޓަރެވެ. ދުއްވާއެއްޗެހި ދުއްވަނީ ކަނާތްފަރާތުންނެވެ. އިންޓަނެޓް ކޯޑަކީ mg. އެވެ. ކޯލިން ކޯޑަކީ +261 އެވެ. ފައިސާގެ ގޮތުން ބޭނުންކުރަނީ މަލަގާސީ އަރިއާރީއެވެ.

ނަން

މަޑަގަސްކަރައިގެ ނަމުގެ މާނައަކީ މަލަގާސީންގެ ޤައުމުކަމުގައި ބައެއް ޢިލްމުވެރިން ވިދާޅުވެއެވެ. އެހެން ނަމަވެސް މި ނަޒަރިއްޔާއަކީ މުޅީން ޞައްޙަ ނަޒަރިއްޔާއެއް ކަމަށް ބައެއް ޢިލްމުވެރިން ޤަބޫލެއް ނުކުރައްވައެވެ. އެހެން ނަމަވެސް މަޑަގަސްކަރައިން ގަސްތުކުރެވޭ މާނައެއް އެބޭފުޅުންނަކަށް ވިދާޅުވެދެއްވިފައެއް ނުވެއެވެ.

ޖުޣުރާފީ

މަޑަގަސްކަރައަކީ ބިމުގެ ގޮތުން ބަލާއިރު ދުނިޔޭގެ 46 ވަނައަށް އެންމެ ބޮޑު ޤައުމެވެ. ވަކި ރަށްރަށަށް ބަލާއިރު ދުނިޔޭގައި ހަތަރުވަނައަށް އެންމެ ބޮޑު ރަށަކީ މަޑަގަސްކަރައެވެ. އެހެން ޤައުމުތަކާ އަޅާކިޔުމުގެ ގޮތުން ބަލާއިރު މަޑަގަސްކަރަ ފަރަންސޭސިވިލާތަށް ވުރެ ކުޑަތަންކޮޅެއް ބޮޑެވެ. މަޑަގަސްކަރަ އޮތީ އެފްރިކާގެ އިރުމަތީ އައްސޭރިއާ ދިމާލުން އިންޑިޔާ ކަނޑުގައެވެ.

ތާރީޚު

އިރުމަތީ ގޮންޑަވާނާގެ ގޮތުގައި މަޑަގަސްކަރައިގެ ސަރަޙައްދު އެފްރިކާގެ މައި ބައްރާ ވަކިވި ކަމަށް ބެލެވިފައިވަނީ މީގެ 160 މިލިޔަން އަހަރު ކުރީންނެވެ. ރަށެއްގެ ގޮތުގައި މަޑަގަސްކަރަ އުފެދުނީ މީގެ 80 ނުވަތަ 100 މިލިޔަން އަހަރުކުރީން ހިންދުސްތާނުގެ ކުޑަބައްރުން މި ބިން ވަކިވުމާ ހަމައިންނެވެ.ތާރީޚީ ޢިލްމުވެރިން ޤަބޫލުކުރައްވާ ގޮތުގައި މަޑަގަސްކަރައިގައި މީހުން އާބާދުވެފައިވަނީ މީލާދީން 200 ވަނަ އަހަރާއި 500 ވަނަ އަހަރާ ދެމެދުގައެވެ. އެއީ މިހާރުގެ އިންޑޮނޭޝިޔާ ސަރަޙައްދުން ކަނޑުމަގުން އައި ދަތުރުވެރީން އެ ރަށުގައި ވަޒަންވެރިވުމުންނެވެ. ބަންޓޫ ދަރިކޮޅުގެ މީހުން މަޑަގަސްކަރައަށް އައިސްފައިވަނީ މުސިންބީ ކަނޑު ހުރަސްކުރުމަށް ފަހުގައި ކަމަށް ބެލެވިފައިވެއެވެ. މެދު ޒަމާނުގައި މަޑަގަސްކަރައިގެ ދެކުނުގައި ރަސްކަމެއް ޤާއިމުކުރެއްވި އެންތެއިމޯރޯ ޤަބޫލުކުރައްވާ ގޮތުގައި އެބޭފުޅުންނަކީ ސޯމާލިޔާއިން އައި ބައެއްގެ ދަރިކޮޅެވެ. މަޑަގަސްކަރައިގެ ތާރީޚު ފެށިފައިވަނީ މީލާދީން 7 ވަނަ ޤަރުނުގައި ވިޔަފާރިވެރިންގެ ގޮތުގައި މުސްލިމުން މަޑަގަސްކަރައަށް އައި ހިސާބުން ފެށިގެންނެވެ.

ޑެމޮގްރަފިކްސް

މަޑަގަސްކަރައިގެ މީހުންނަކީ ނަސްލުގެ ގޮތުން ބަލާއިރު ދެކުނު އޭޝިޔާ އާއި ދެކުނު އިރުމަތީ އޭޝިޔާގެ އިތުރުން އެފްރިކާ އާއި މެދުއިރުމައްޗާއި ޕެސިފިކް ސަރަޙައްދަށް ނިސްބަތްވާ ބައެކެވެ. މި ދެންނެވި ތަންތަނުގެ މީހުން އައިސް ވަޒަންވެރިވުމުގެ ސަބަބުން ނަސްލުތައް ވަނީ މަސްހުނިވެފައެވެ.

ސަގާފަތު

މަޑަގަސްކަރައިގެ ސަގާފަތަށް އެންމެ ބޮޑު އަސަރެއް ފޯރުކޮށްފައިވާ އެކައްޗަކީ ޢަރަބި ބަހެވެ. މި ގޮތުން ބަލާއިރު މޫސުމްތަކަށާއި މަސްމަހަށާއި ދުވަސްތަކަށް މަލަގާސީ ބަހުން ކިޔާ ނަންތަކަކީ ޢަރަބި ބަހުން އައިސްފައިވާ ނަންތަކެވެ.

އިޤްތިޞާދު

މަޑަގަސްކަރައަކީ މުޅި ދުނިޔޭގައި ވެސް އެންމެ ގިނައިން ވެނީލާ އުފައްދައި އެކްސްޕޯޓް ކުރާ ޤައުމެވެ. މަޑަގަސްކަރައިގެ އިޤްތިޞާދަކީ މާ ވަރުގަދަ އިޤްތިޞާދެއް ނޫނެވެ. އެހެން ނަމަވެސް މިހާރު އިޤްތިޞާދު އަންނަނީ ފުޅާވަމުން ކަމަށް މުޙައްލިލުން ވިދާޅުވެއެވެ. އެ ޤައުމުގެ ޖީ.ޑީ.ޕީ ޕަރކެޕިޓާ އަކީ 996 ޑޮލަރެވެ.