އަޙްމަދު ޝަމްހީދު

ޑރ. އަޙްމަދު ޝަމްހީދު
ޑރ. އަޙްމަދު ޝަމްހީދު
	ޑރ. އަޙްމަދު ޝަމްހީދު (2012)
ރައްޔިތުންގެ މަޖިލީހުގެ ހުޅުމާލޭ ދެކުނު ދާއިރާގެ މެންބަރު
	މަޤާމާ ހަވާލުވެވަޑައިގަތީ ; 28 މޭ 2024
މިނިސްޓަރ އޮފް ޓްރާންސްޕޯޓް އެންޑް ކޮމިއުނިކޭޝަން
	މަޤާމުގައި; 12 ފެބުރުވަރީ 2012 – 8 ނޮވެންބަރު 2012
ރައީސް	ޑރ. މުޙައްމަދު ވަޙީދު ޙަސަން މަނިކު
ކުރިން ހުންނެވީ	މުޙައްމަދު ޢާދިލު ސަލީމް
ފަހުން ވަޑައިގަތީ	މުޙައްމަދު ނާޡިމް (ވަގުތީ ގޮތުން)، އަމީން އިބްރާހީމް
އުފަންވީ	ގއ. ދެއްވަދޫ، ދިވެހިރާއްޖެ
ސިޔާސީ ޕާޓީ	މޯލްޑިވިއަން ޑިމޮކްރެޓިކް ޕާޓީ (2013ވަނަ އަހަރުން ފެށިގެން)
އެހެނިހެން ސިޔާސީ; ގުޅުންތައް	ޖުމުހޫރީ ޕާޓީ (2013ވަނަ އަހަރާ ހަމައަށް)
މަތީތަޢުލީމު	ޔުނިވަރސިޓީ އޮފް ލީޑްސް، ޕީއެޗްޑީ

ޑރ. އަޙްމަދު ޝަމްހީދަކީ ގއ. ދެއްވަދޫއަށް ނިސްބަތްވެވަޑައިގަންނަވާ ބޭފުޅެކެވެ. އެ މަނިކުފާނު މިހާރު ހުންނެވީ ރައްޔިތުންގެ މަޖިލީހުގެ ހުޅުމާލޭ ދެކުނު ދާއިރާގެ މެންބަރުކަމުގައެވެ.

ޑރ. އަޙްމަދު ޝަމްހީދު ސިވިލް އިންޖިނިޔަރިންގ އަދި ސްޓްރަކްޗަރަލް އިންޖިނިޔަރިންގގެ ދާއިރާއިން ފުރަތަމަ ޑިގްރީ ޙާޞިލުކުރެއްވީ މެލޭޝިޔާގެ އައިއެންޓީއައި ކޮލެޖުގައެވެ. ޕީއެޗްޑީ ޙާޞިލުކުރެއްވީ އިނގިރޭސިވިލާތުގެ ޔުނިވަރސިޓީ އޮފް ލީޑްސްގައެވެ.

ޑރ. އަޙްމަދު ޝަމްހީދު ވަނީ ކުރީގެ ރައީސް އަލްއުސްތާޛު މައުމޫން ޢަބްދުލްޤައްޔޫމުގެ ސަރުކާރުގައި މިނިސްޓްރީ އޮފް ޕްލޭނިންގ އެންޑް ޑިވެލޮޕްމަންޓުގައި މަސައްކަތްކުރައްވައިފައެވެ. އެއަށްފަހު ވިލާ ޝިޕިންގ އެންޑް ޓްރޭޑުގައި މަސައްކަތްކުރައްވައި ޑިރެކްޓަރެއްގެ މަޤާމު އަދާކުރެއްވިއެވެ. އަދި މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) ގެ ބޯޑުގެ ޑިރެކްޓަރުކަން ވެސް އަދާކުރެއްވިއެވެ. ކުރީގެ ރައީސް ޑރ. މުޙައްމަދު ވަޙީދު ޙަސަން މަނިކުގެ ސަރުކާރުގައި 2012ވަނަ އަހަރުގެ ފެބުރުވަރީ މަހުގެ 12ވަނަ ދުވަހު މިނިސްޓަރ އޮފް ޓްރާންސްޕޯޓް އެންޑް ކޮމިއުނިކޭޝަންގެ މަޤާމަށް ޑރ. ޝަމްހީދު ޢައްޔަންކުރެއްވިއެވެ. އެ މަޤާމުން ޑރ. ޝަމްހީދު ވަކިކުރެއްވީ 2012 ނޮވެންބަރު 8ވަނަ ދުވަހުއެވެ.

2024ވަނަ އަހަރު އޮތް 19ވަނަ ރައްޔިތުންގެ މަޖިލީހުގެ އިންތިޚާބުގައި އެމްޑީޕީގެ ކެންޑިޑޭޓެއްގެ ގޮތުން ހުޅުމާލޭ ދެކުނު ދާއިރާއަށް ޑރ. ޝަމްހީދު ކުރިމަތިލެއްވިއެވެ. އަދި އިންތިޚާބު ކާމިޔާބުކުރައްވައި ހުޅުމާލެ ދެކުނު ދާއިރާގެ ގޮނޑިއަށް ހޮވިވަޑައިގަތެވެ. ޑރ. އަޙްމަދު ޝަމްހީދު ރައްޔިތުންގެ މަޖިލީހުގައި އަދާކުރައްވާ އެހެނިހެން މަޤާމުތަކުގެ ތެރޭގައި މާލިއްޔަތު ކޮމިޓީގެ މެންބަރުކަމާއި ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގެ މެންބަރުކަން ހިމެނެއެވެ.