އަޙްމަދު ތަސްމީން ޢަލީ
އަޙްމަދު ތަސްމީން ޢަލީ | |
|---|---|
 އަޙްމަދު ތަސްމީން ޢަލީ، 2022 | |
| ސިންގަޕޫރަށް ދިވެހިރާއްޖެއިން ކަނޑައަޅުއްވައިފައި ހުންނަވާ ސަފީރު | |
މަޤާމުގައި 25 އޮގަސްޓު 2022 – 26 ޑިސެންބަރު 2023 | |
| އައްޔަން ކުރެއްވީ | އިބްރާހީމް މުޙައްމަދު ޞާލިޙް |
| ކުރިން ހުންނެވީ | އިބްރާހީމް ޝަހީބު |
| ފަހުން ވަޑައިގަތީ | މުޙައްމަދު ލުވޭޒު |
| ރައްޔިތުންގެ މަޖިލީހުގެ ނާއިބު ރައީސް | |
މަޤާމުގައި 1993–1998 | |
| ރައީސް | މައުމޫން ޢަބްދުލް ޤައްޔޫމް |
| މަޖިލީހުގެ ރައީސް | ޢަބްދުﷲ ޙަމީދު |
| ފަހުން ވަޑައިގަތީ | |
| މިނިސްޓަރ އޮފް އެޓޯލްސް ޑިވެލޮޕްމަންޓް | |
މަޤާމުގައި 2007–2008 | |
| ރައީސް | މައުމޫން ޢަބްދުލް ޤައްޔޫމް |
| ކުރިން ހުންނެވީ | ޢަބްދުﷲ ޙަމީދު |
| ފަހުން ވަޑައިގަތީ | |
| މިނިސްޓަރ އޮފް ހޯމް އެފެއާޒް | |
މަޤާމުގައި 14 ޖުލައި 2005 – 25 ޖޫން 2007 | |
| ރައީސް | މައުމޫން ޢަބްދުލް ޤައްޔޫމް |
| ކުރިން ހުންނެވީ | އިސްމާޢީލް ޝަފީޢު |
| ފަހުން ވަޑައިގަތީ | |
| އުފަންވީ | 30 އޯގަސްޓް 1966 މާލެ، ދިވެހިރާއްޖެ |
| ސިޔާސީ ޕާޓީ | ދިވެހިރައްޔިތުންގެ ޑިމޮކްރެޓިކް ޕާޓީ (2013 އިން ފެށިގެން) |
| އެހެނިހެން ސިޔާސީ ގުޅުންތައް | ދިވެހި ރައްޔިތުންގެ ޕާޓީ (2005 - 2013) |
| އަނބި ނުވަތަ ފިރި | ވިސާމް ޢަލީ |
| ދަރިން | 1 |
| ވެބްސައިޓް | thasmeen.org (archived) |
އަޙްމަދު ތަސްމީން ޢަލީ ދުނިޔޭގެ އަލިކަން ދެކެވަޑައިގަތީ 1966ވަނަ އަހަރުގެ ސެޕްޓެންބަރު މަހުގެ 30ވަނަ ދުވަހުއެވެ. ތަސްމީނަކީ ދިވެހިރާއްޖޭގެ ސިޔާސީ ދާއިރާގައި ވަރަށް އިސް މަޤާމުތަކެއް އަދާކުރައްވައިފައިވާ ބޭފުޅެކެވެ.
އަޙްމަދު ތަސްމީން ޢަލީ ޘާނަވީ ތަޢުލީމު ޙާޞިލުކުރެއްވީ މަޖީދިއްޔާ ސްކޫލުންނެވެ. އެއަށްފަހު ތަޢުލީމު ޙާޞިލުކުރެއްވުމަށް ވަޑައިގަތީ ރާއްޖޭން ބޭރަށެވެ. މިގޮތުން އިނގިރޭސިވިލާތަށާއި މިޞްރަށް ވަޑައިގެން ތަޢުލީމު ޙާޞިލުކުރެއްވިއެވެ. ތަސްމީން ފުރަތަމަ ޑިގްރީ ޙާޞިލުކުރެއްވީ އިނގިރޭސިވިލާތުގެ ޔުނިވަރސިޓީ އޮފް ވޯރިކްގައި އިކޮނޮމިކްސްގެ ދާއިރާއިންނެވެ. މާސްޓަރސް ޑިގްރީ ޙާޞިލުކުރެއްވީ މިޞްރުގައި ހުންނަ އެމެރިކަން ޔުނިވަރސިޓީ އިން ކައިރޯގައި ޕޮލިޓިކަލް ސައިންސްގެ ދާއިރާއިންނެވެ. އެ މަނިކުފާނަކީ ދިވެހިބަހާއި، ޢަރަބިބަހާއި، އިނގިރޭސިބަސް ދެނެވަޑައިގަންނަވާ ބޭފުޅެކެވެ.
އަޙްމަދު ތަސްމީން ޢަލީގެ ސިޔާސީ ޙަޔާތް ފެށުނީ 1994ވަނަ އަހަރު ރައްޔިތުންގެ މަޖިލީހުގެ ބ. އަތޮޅުގެ ގޮނޑި ކާމިޔާބު ކުރެއްވި ހިސާބުންނެވެ. ތަސްމީން އަދާކުރެއްވި އެހެން ބައެއް މަޤާމުތަކުގެ ތެރޭގައި، މިނިސްޓަރ އޮފް ހޯމް އެފެއާޒްގެ މަޤާމާއި، މިނިސްޓަރ އޮފް އެޓޯލްސް އެޑްމިނިސްޓްރޭޝަންގެ މަޤާމާއި، ރައްޔިތުންގެ މަޖިލީހުގެ ނާއިބު ރައީސްކަމުގެ މަޤާމު ހިމެނެއެވެ. މީގެއިތުރުން ދިވެހި ރައްޔިތުންގެ ޕާޓީ (ޑީއާރުޕީ) ގެ ނާއިބު ލީޑަރުކަން ކުރައްވައިފައިވެއެވެ. 2008ވަނަ އަހަރު ރާއްޖޭގައި ފުރަތަމަ ފަހަރަށް ބޭއްވި ގިނަ ޕާޓީ އެކުލެވޭ ރިޔާސީ އިންތިޚާބުގައި އޭރުގެ ރައީސުލްޖުމްހޫރިއްޔާ އަލްއުސްތާޛު މައުމޫން ޢަބްދުލް ޤައްޔޫމްގެ ރަނިންގމޭޓެއްގެ ގޮތުން ތަސްމީން ޙަރަކާތްތެރިވެވަޑައިގަތެވެ. އެ އިންތިޚާބުގެ ފުރަތަމަ ބުރުގައި ރައީސް މައުމޫނާއި ތަސްމީން %46 ވޯޓު ކާމިޔާބުކުރެއްވިއެވެ. ދެވަނައަށް އެންމެ ކައިރިން ވާދަކުރެއްވި ކެންޑިޑޭޓަށް ލިބިވަޑައިގަތީ %25 އެވެ. އެއްވެސް ކެންޑިޑޭޓަކަށް %50 އަށް ވުރެ ގިނަ ވޯޓު ލިބިވަޑައިގެންފައި ނުވާތީ އިންތިޚާބުގެ ދެވަނަ ބުރެއް ބޭއްވިއެވެ. ދެވަނަ ބުރުގައި ރައީސް މައުމޫން ޢަބްދުލްޤައްޔޫމާއި، ތަސްމީނަށް ކުރިމަތިވެވަޑައިގެންނެވީ ނާކާމިޔާބީއާއެވެ. ދެވަނަ ބުރު ކާމިޔާބުކުރެއްވީ އެމްޑީޕީގެ ފަރާތުން ވާދަކުރެއްވި ކެންޑިޑޭޓް މުޙައްމަދު ނަޝީދެވެ.
2010ވަނަ އަހަރު ބޭއްވި ދިވެހި ރައްޔިތުންގެ ޕާޓީ (ޑީއާރުޕީ) ގެ ތިންވަނަ ޤައުމީ ޖަލްސާގައި ޕާޓީގެ ލީޑަރުގެ މަޤާމަށް ތަސްމީން ހޮވިވަޑއިގަތެވެ. ތަސްމީނުގެ އިސް ދައުރަކާ އެކު ޑީއާރުޕީއަށް ލިބުނު އެންމެ ބޮޑު ކާމިޔާބަކީ ރާއްޖޭގައި ފުރަތަމަށް ފަހަރަށް ބޭއްވި ގިނަ ޕާޓީ އެކުލެވޭ ރައްޔިތުންގެ މަޖިލީހުގެ އިންތިޚާބުގައި އެންމެ ގިނަގޮޑި ކާމިޔާބުކުރި ޕާޓީއަކަށް ޑީއާރުޕީވުމެވެ.
އަޙްމަދު ތަސްމީން ޢަލީ ދިވެހި ސަރުކާރުގައި އެންމެ ފަހުން އަދާކުރެއްވި މަޤާމަކީ ރިޕަބްލިކް އޮފް ސިންގަޕޫރަށް ދިވެހިރާއްޖެއިން ކަނޑައަޅުއްވައިފައި ހުންނަވާ ސަފީރުކަމުގެ މަޤާމެވެ. އެ މަޤާމަށް ތަސްމީން ޢައްޔަންކުރެއްވީ 2022 އޮގަސްޓު 25ވަނަ ދުވަހު އޭރުގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ. އެ މަޤާމުގައި 2023 ޑިސެންބަރު 26ވަނަ ދުވަހާ ހަމައަށް ތަސްމީން ހުންނެވިއެވެ.