ޙައިޟުނުވުން

ޙައިޟުނުވުން ނުވަތަ (އިނގިރޭސި ބަހުން: Amenorrhoea) އަކީ ތަބީއީ ގޮތެއްގައި މައްސަރު ކަންތައް މެދުވެރި ނުވުމެވެ. އެހެން ގޮތަކަށް ބުނާނަމަ އެއީ މައްސަރު ކަންތައް ނުޖެހުން ނުވަތަ މައްސަރު ކަންތައް ލައި ނުގަތުމެވެ.

ތަބީޢީ ގޮތުން ޙައިޟުނުވުން

• ބާލިޣުވުމުގެ ކުރިން: ބާލިޣުވުމުގެ ކުރިން ޙައިޟު ނުވަނީ ހައިޕޯތަލަމަސް އިން ގޯނާޑޮޓްރޮޕިން ރިލީސިންގ ހޯރމޯން ބޭރުކުރާ މިންވަރު ދަށީމައެވެ.
• އިއްދައިން ކެނޑުމަށްފަހު: އިއްދައިން ކެނޑުމަށްފަހު ޙައިޟުނުވަނީ އިއްދައިން ކެނޑުމަށްފަހު ބިސްރަވައިގެ ފޮލިކަލްތައް ނެތި ދާތީއެވެ. އަދި އޭގެ ސަބަބުން ޕިޓޫއިޓަރީ ގްލޭންޑް އިން ދޫކުރާ ހޯރމޯންތަކަށް ބިސްރަވަ އިޖާބަ ނުދޭތީ އެވެ.
• މާބަނޑު ދުވަސްވަރު: މާބަނޑު ދުވަސްވަރު ޙައިޟުނުވަނީ ހުއްޓުމެއް ނެތި ގިނަ އަދަދަކަށް ޕްރޯޖެސްޓަރޯން،އަދިއެސްޓްރަޖަން އުފައްދަމުން ގެންދާތީ އެވެ.
• ގާތުންދޭ ދުވަސްވަރު: ގާތުންދޭ ދުވަސްވަރު ޙައިޟުނުވަނީ ޕްރޯލެކްޓިން، ހައިޕޯތަލަމަސް އިން ގޯނާޑޮޓްރޮޕިން ރިލީސިންގ ހޯރމޯން ބޭރުކުރުމަށް ހުރަސް އަޅާތީ އެވެ.

ބައްޔެއްގެ ސަބަބުން ޙައިޟު ނުވުން

އާންމު ސަބަބުތައް

• ރަގަޅު ކާނާ ނުލިބުން
• ޑައެޓް ހެދުން
• އާދަޔާ ޚިލާފަށް ފަލަވުން ނުވަތަ ފަލަބަލި
• އާދައިގެ ބައެއް ބަލިތައް
• ދާއިމީ ބަލިތައް: މިސާލަކަށް ހަކުރު ބަލި، ކެއްސުން ބަލި، ގުރުދާ ފޭލްވުން
• ބައެއް ކަހަލަ ބޭސްތައް: މިސާލަކަށް ދޭތެރެ ދުރުކުރާ ގުޅަ ބޭސް
• ލޭގައި ކެރަޓީންގެ ނިސްބަތް މަތިވުން
• ޖޮގިން ހަދާމީހުންނަށް ބައެއް ފަހަރު ޙައިޟުނުވުން ކުރިމަތިވާކަން ފާހަގަކުރެވެއެވެ.

ހައިޕޯތަލަމަސް ގެ ބަލިތައް

• ހައިޕޯތަލަމަސް އަށް ގެއްލުންވުން: މިސާލަކަށް ސިކުނޑި ދުޅަވުން، ސިކުނޑި ވަށައިގެންވާ ފަށަލަތައް ދުޅަވުން ފަދަ ކަމެއް ސަބަބުން
• ނަފްސާނީ ކަމެއްގެ ސަބަބުން: މިސާލަކަށް އުޅޭތަން ބަދަލުވުން، ތިމާގެ މީހަކު މަރުވެ މާބޮޑަށް ދެރަވުން
• ހައިޕޯތަލަމަސްގެ ބައްޔެއްގެ ސަބަބުން ކާހިތް ނުވުން
• ފްރޮލިކް ސިންޑްރޯމް
• ލޯރެންސް މޫން ބީޑްލް ސިންޑްރޯމް
• ނަފްސާނީ ބަލިތައް: ސިޒޮފްރެނިއާ
• އިލެކްޓްރޯ ކަންވަލްސިވް ތެރަޕީ ނެގުން ނުވަތަ ދިނުން
• ބައެއް ކަހަލަ ބޭސްތައް:
• ފަންކްޝަނަލް ހައިޕޯތަލަމިކް އެމެނޮރިއާ

ޕިޓޫއިޓަރީ ގްލޭންޑް ގެ ބަލިތައް

• ލޮރައިން ސިންޑްރޯމް
• ޝީހާން ސިންޑްރޯމް
• ޕިޓޫއިޓަރީ ގްލޭންޑްގެ ޓިއުމަރުތައް
• ކްރެނިއޯ ފެރިންޖިއޯމާ
• އެމްޓީ ސެލާ ސިންޑްރޯމް

ތައިރޮއިޑް ގްލޭންޑް ގެ ބަލިތައް

• ތައިރޮއިޑް ގްލޭންޑް ގެ މަސައްކަތް ދަށްވުން
• ތައިރޮއިޑް ގްލޭންޑްގެ މަސައްކަތް އިތުރުވުން

އެޑްރީނަލް ގްލޭންޑް ގެ ބަލިތައް

• އެޑްރީނަލް ގްލޭންޑް ގެ މަސައްކަތް ދަށްވުން: ނުވަތަ އެޑިސަން ބަލި
• އެޑްރީނަލް ގްލޭންޑް ގެ މަސައްކަތް އިތުރުވުން: މިސާލަކަށް ކެންސަރު، އަދި ކުޝިންގ ސިންޑްރޯމްގެ ސަބަބުން

ބިސްރަވަ އިގެ ބަލިތައް

• ބިސްރަވައިގައި ވައިކޮތަޅު ހެދޭ ބަލި
• ބިސްރަވަ ނުވަތަ ޖިންސީ ގުނަވަނުގެ ބައިތައް ރަގަޅަށް އުފެދިފައި ނެތުން
• ކެންސަރު، ކެއްސުން ބަލި، އެކްސްރޭ، ކީމަތެރަޕީ އަދި ރޭޑިއޭޝަން ފަދަ ކަމެއްގެ ސަބަބުން ދެ ބިސްރަވަ ހަލާކުވުން
• އޮޕަރޭޝަނެއްގައި ދެބިސްރަވަ ނަގައިފައި ވުން
• ހެލްބަން ބަލި
• އެންޑްރޯ ބްލާސްޓޯމާ
• ރެސިސްޓަންޓް އޯވަރީ ސިންޑްރޯމް
• ޕްރިމެޗުއަރ އޯވަރިއަން ފޭލަރ

ރަހިމު ގެ ބަލިތައް

• ރަހިމު ނެތުން: އުފެދުމުގައި ނެތުން، ނުވަތަ ނުހުރުން، ނުވަތަ އޮޕަރޭޝަން ކޮށްގެން ރަހިމު ނަގައިފައިވުން
• އެޝާމަން ސިންޑްރޯމް
• ރަހިމުގެ އެންޑޯމީޓްރިއަމް ރޭޑިއޭޝަން، ކެއްސުން ބަލި، ނުވަތަ އެހެން ވެސް ބައްޔެއް، ކަމެއްގެ ސަބަބުން ހަލާކުވުން
• އެންޑޯމީޓްރިއަމްގެ މަތީ ފަށަލަ ނެގިގެން ދިއުން

ކްރޯމޯސޯމް ގެ ބަލިތައް

• ޓާރނަރ ސިންޑްރޯމް
• ޓެސްޓިކިއުލާ ފެމިނައިޒޭޝަން
• ސްޕަރ ފީމޭލް ސިންޑްރޯމް

ސަބަބު ނޭގޭ ޙައިޟުނުވުން

މިއީ ޙައިޟުނުވުން ކުރިމަތިވީ ވަކި ސަބަބެއްކަން ބުނެދޭން ނޭގުމެވެ.