ކޮސްޓަރީކާ
ކޮސްޓަރީކާއަކީ މެދުތެރޭ އެމެރިކާއަށް ނިސްބަތްވާ ޤައުމެކެވެ.
ފިހުރިސްތު |
[އުނިއިތުރު ގެންނަވާ] އަވަސް ކަޅިއަކުން ބަލައިލުމެއް
ކޮސްޓަރީކާގެ ރަސްމީ ބަހަކީ ސްޕެނިޝް ބަހެވެ. މީގެ އިތުރުން މެކަތެލްޔޫ ބަހަކީ ވެސް ބަލައިގަނެވިފައިވާ ބަހެކެވެ. އިނގިރޭސި ބަހުން މި ޤައުމުގެ މީހުންނަށް ކިޔަނީ ކޮސްޓަރީކަންސްއެވެ. ނުވަތަ ތީކޯސްއެވެ. ޤައުމުގެ އެންމެ ބޮޑު ޝަހަރަކީ ސަން ޖޯސްއެވެ. މި ޤައުމުގެ ވެރިރަށަކީ ވެސް މިއީއެވެ. މިއީ ދުސްތޫރީ ޑިމޮކްރަސީއެކެވެ. ރިޔާސީ ޖުމްހޫރިއްޔާއެކެވެ. ޤައުމުގެ އާބާދީއަކީ 4 މިލިއަނެވެ. އެހެންކަމާއެކު، މިއީ ދުނިޔޭގައި 118 ވަނައަށް އެންމެ އާބާދީ ބޮޑު ޤައުމެވެ. ބިމުގެ ބޮޑުމިނަކީ 51100 އަކަކިލޯމީޓަރެވެ. ދުއްވާއެއްޗެހި ދުއްވަނީ ކަނާތްފަރާތުންނެވެ. އިންޓަނެޓް ކޯޑަކީ cr. އެވެ. ކޯލިން ކޯޑަކީ +506 އެވެ. ފައިސާގެ ގޮތުން ބޭނުންކުރަނީ ކޮލޯންއެވެ.
[އުނިއިތުރު ގެންނަވާ] ނަން
މި ޤައުމުގެ ރަސްމީ ނަމަކީ ރިޕަބްލިކް އޮފް ކޮސްޓަރީކާއެވެ. “ކޮސްޓަރީކާ” މި ނަމުގެ މާނައަކީ ރިޗް ކޯސްޓް ނުވަތަ މުއްސަނދި އައްސޭރިއެވެ.
[އުނިއިތުރު ގެންނަވާ] ޖުޣުރާފީ
ކޮސްޓަރީކާގެ އުތުރުގައި އޮތީ ނިކަރާގުއާއެވެ. އިރުމައްޗާއި ދެކުނުގައި އޮތީ ޕެނަމާއެވެ. ހުޅަނގުގައި އޮތީ ޕެސިފިކް މާކަނޑެވެ. އިރުމަތީގައި އޮތީ ކެރީބިޔަން ކަނޑެވެ.
[އުނިއިތުރު ގެންނަވާ] ތާރީޚު
އާސާރީ ހެކިތަކުން ދައްކާ ގޮތުގައި ކޮސްޓަރީކާއަކީ ވަރަށް ކުރީއްސުރެ މީހުން އާބާދުވެފައިވާ ތަނެކެވެ. ސްޕޭނު މީހުން މި ޤައުމަށް އައިސްފައި ވަނީ މީލާދީން 16 ވަނަ ޤަރުނުގައެވެ. ކޮސްޓަރީކާގެ އަޞްލު ރަށްވެހީންގެ ތެރެއިން އެމީހުންގެ ނަސްލު ދެމެހެއްޓުމަށް ޓަކައި ދިރިތިބީ ވަރަށް މަދުބައެކެވެ. ޔޫރަޕު މީހުން މި ބައްރަށް އަލަށް ގެނައި ބަލިތަކަށް ހަށިގަނޑުގެ ދިފާޢީ ނިޒާމު ތައްޔާރުވެފައި ނެތުމުގެ ސަބަބުން އެންމެ ފުރަތަމަ ޝިކާރައަކަށް ވެގެން ދިޔަ އާބާދީއަކީ ކޮސްޓަރީކާގެ އަޞްލު ރަށްވެހީންގެ އާބާދީއެވެ. މީގެ ތެރެއިން ގިނަ ބަޔަކު މަރުވެގެން ގޮސްފައިވަނީ ކަށިވިދުރީގެ ސަބަބުންނެވެ. ދެން ތިބި މީހުން މަރުވެފައިވަނީ ސްޕެއިނު މީހުން އެމީހުންނާ ދޭތެރޭ ކަންތައް ކުރި އިހާނާތްތެރި ގޮތްތަކުގެ ސަބަބުންނެވެ. ޔޫރަޕުގެ މީހަކަށް އެންމެ ފުރަތަމަ ކޮށްޓަރީކާގެ ބިމުގައި ފައި ބީއްސާލި މީހަކީ ކްރިސްޓަފަރ ކޮލަންބަސްއެވެ. އެއީ މީލާދީން 1502 ވަނަ އަހަރުގައެވެ. ދުނިޔޭގެ އެންމެ ގިނަ ދުވަސްވީ 22 ޑިމޮކްރަސީގެ ތެރޭގައި ހިމެނޭ ލެޓިން އެމެރިކާގެ ހަމަ އެކަނި ޤައުމަކީ ކޮސްޓަރީކާއެވެ. ކޮސްޓަރީކާއިން ވަނީ އެ ޤައުމުގެ ޢަސްކަރިއްޔާ 1949 ވަނަ އަހަރުން ފެށިގެން ދާއިމީ ގޮތަކަށް އުވާލާފައެވެ. ކޮސްޓަރީކާއިން ވަނީ 2021 ގައި ދުނިޔޭގެ ފުރަތަމަ ކާބަން ނިއުޓްރަލް ޤައުމަކަށް ވާނީ އެ ޤައުމުކަމަށް 2007 ގައި އިޢުލާންކޮށްފައެވެ.
[އުނިއިތުރު ގެންނަވާ] ޑެމޮގްރަފިކްސް
ކޮސްޓަރީކާގެ އާބާދީގެ 80% އަކީ ކައުކާސީ ނަސްލުގެ މީހުންނެވެ. 15% އަކީ މެސްޓިޒޯއިންނެވެ. 3% އަކީ ކަޅު މީހުންނެވެ. 1% އަކީ އެމެރިންޑިޔަނުންނެވެ. 1% އަކީ ޗައިނީޒް ނަސްލުގެ މީހުންނެވެ. ކައުކާސީ ނަސްލަށް ބަލާއިރުގައި، މި ނަސްލުގެ ގިނަ މީހުންނަކީ ސްޕޭނު މަތިކޮޅުތަކަށް ނިސްބަތްވާ މީހުންނެވެ. މީގެ އިތުރުން އިޓަލީ، ޖަރުމަނު، އިނގިރޭސި، ޑަޗް، ފަރަންސޭސި، އައިރިޝް، ޕޯޗުގީޒު، ލުބުނާނީ، ޕޮލެންޑު މަތިކޮޅުތަކަށް ނިސްބަތްވާ މީހުން ވެސް ކޮސްޓަރީކާގައި މަދެއް ނޫނެވެ. ކޮސްޓަރީކާގެ އާބާދީގެ އާބާދީގެ 70.5% މީހުންނަކީ ކެތަލިކް ކްރިސްޓިޔަނުންނެވެ.
[އުނިއިތުރު ގެންނަވާ] ސަގާފަތު
ކޮސްޓަރީއަކީ މުއްސަނދި ސަގާފަތެއް އޮތް ޤައުމެކެވެ. މެސޯ އެމެރިކަން ސަގާފަތާއި ދެކުނު އެމެރިކާގެ ސަގާފަތް ބައްދަލުވި ނުގުތާއަކީ ކޮސްޓަރީކާއެވެ. މި ދެ ސަގާފަތުގެ އިތުރުން ސްޕޭނު މީހުންގެ ސަގާފަތް ވަނީ މިއަދުގެ ކޮސްޓަރީކާގެ މަސްހުނި ސަގާފަތް އެކުލެވިގެން ދިއުމުގައި މުހިއްމު ދައުރެއް އަދާކޮށްފައެވެ.
[އުނިއިތުރު ގެންނަވާ] އިޤްތިޞާދު
ހެޕީ ޕްލެނެޓް އިންޑެކްސްގެ އެއްވަނައިގައި އޮތް ކޮސްޓަރީކާއަކީ މުޅި ދުނިޔޭގައި ވެސް އޮތް އެންމެ ފެހި ޤައުމެވެ. އެހެން ނަމަވެސް ކޮސްޓަރީކާގެ އިޤްތިޞާދަކީ އެހައި ފެހި އިޤްތިޞާދެކޭ ބުނެވޭކަށެއް ނެތެވެ. އެ ޤައުމުގެ އިންފްލޭޝަން ރޭޓަކީ ލެޓިން އެމެރިކާއަށް ބަލާއިރުގައި ހަތަރުވަނައަށް އެންމެ މަތީ އިންފްލޭޝަން ރޭޓެވެ. އެ ޤައުމުގެ ޖީ.ޑީ.ޕީ ޕަރކެޕިޓާ އަކީ 10735 ޑޮލަރެވެ.
Cite error: <ref> tags exist, but no <references/> tag was found